Wanpela man bilong pilai spot i mas wok yet long trening na bai em i pilai gut. Olsem tasol, yumi mas yusim save bilong yumi inap planti taim na bai yumi holim yet pasin bilong skelim ol samting. (Hi 5:14) Tru em isi long bihainim tasol disisen bilong ol narapela, tasol i gutpela long yumi yusim save bilong yumi long skelim ol samting na mekim ol disisen bilong yumi yet. Wai? Bikos yumi olgeta wan wan bai tokaut long as na yumi mekim ol dispela disisen.—Ro 14:12.

Yumi no ken ting olsem yumi bai mekim ol gutpela disisen bikos yumi bin baptais inap planti yia, nogat. Bilong mekim ol gutpela disisen, yumi mas bilip tru long Jehova, Baibel, na oganaisesen bilong em.—Jos 1:7, 8; Pr 3:5, 6; Mt 24:45.

PILAIM VIDIO “OLTAIM MAUS BILONG BEL BILONG YUPELA I MAS I STAP STRET,” NA BIHAIN GIVIM OL DISPELA ASKIM:

• Emma i mas mekim wanem disisen?

• Wai na yumi mas sakim pasin bilong kamapim tingting bilong yumi yet long ol samting we maus bilong bel bilong wan wan yet bai skelim?

• Tupela marit i givim wanem gutpela edvais long Emma?

• Emma i painim ol gutpela tok bilong helpim em long wanem hap?