WASTAUA—STADI EDISEN Oktoba 2014
Dispela Wastaua i gat ol atikol bilong stadi long en long Disemba 1 i go inap Disemba 28, 2014.
Ol i Amamas Long Givim Ol Yet—Long Taiwan
Winim 100 Witnes Bilong Jehova i kam stap long Taiwan long autim tok long ol hap i sot long ol pablisa bilong Kingdom. Ritim ol naispela ekspiriens bilong ol na kisim save long olsem wanem ol inap mekim gut wok bilong ol.
Bilip Strong Long Kingdom
Jehova i yusim 6-pela kontrak long kamapim klia olsem Kingdom bilong em bai kamapim samting em i tingting pinis long mekim. Hau bai ol dispela kontrak i helpim yumi long strongim bilip bilong yumi?
Yupela Bai “Mekim Wok Bilong Mi Olsem Ol Pris”
I gat 7-pela kontrak, na laspela 3-pela kontrak bai kirapim yumi long bilip tru long Kingdom Bilong God na autim gutnius bilong en long ol narapela.
LAIP STORI
Ol Bikpela Samting Mi Mekim Long Wok Bilong Kingdom
Mildred Olson i mekim wok bilong Jehova winim 75 yia, na em i mekim wok misineri long El Salvado klostu 29 yia nau. Wanem samting i helpim em long i stap yangpela yet long tingting?
Amamas Tru Long Yu Inap Wok Wantaim Jehova!
Wanem samting i save kirapim ol man i lotuim Jehova long daunim ol laik bilong ol yet?
“Oltaim Tingting Bilong Yupela i Mas Stap Long Ol Samting Bilong Ples Antap”
Ol manmeri husat i bilip na wet long kisim laip oltaim long graun, wai na oltaim tingting bilong ol i mas stap long ol samting bilong heven? Hau bai ol inap mekim olsem?
