SINGSING 58
Painim Ol Man i Gat Gutpela Pasin Isi
(Luk 10:6)
-
1. Jisas tok olsem: ‘Autim tok i tru.’
Long taim blong san, na das long rot, Em autim tok blong Jehova.
Laikim ol sipsip na singautim ol.
Em painim man long bikmoning inap san go daun.
Olgeta haus, olgeta rot,
Yumi tokim olgeta man
Long gutpela nius olsem pen bai pinis.
(SINGSING GEN)
Painim ol man
Ol i gat gutpla pasin isi,
Painim ol man
Em God inap kisim bek ol nau,
Traim long helpim
Olgeta man.
-
2. Taim i go kwiktaim, wok yet long painim.
Ol milion man, ol milion laip, Traim bes long seivim wanpela.
Pasin laikim i kirapim yumi.
Bel hevi inap pinis, na laip kamap orait.
Painim ol long taun na ples bung,
Taim yumi painim gutpla man,
Amamas i strongim yumi long wok yet.
(SINGSING GEN)
Painim ol man
Ol i gat gutpla pasin isi,
Painim ol man
Em God inap kisim bek ol nau,
Traim long helpim
Olgeta man.
(Lukim tu Ais. 52:7; Mat. 28:19, 20; Luk 8:1; Rom 10:10.)
