Jisas i tokim ol disaipel bilong em long “kamapim ol disaipel long olgeta lain man.” (Matyu 28:19, 20) Taim Jisas i salim ol fes lain disaipel long i go autim tok, em i tokim ol long go long haus bilong ol manmeri. (Matyu 10:7, 11-13) Bihain long Jisas i dai, ol Kristen long taim bilong em i wok yet long autim tok “long ol pablik ples na long ol haus.” (Aposel 5:42; 20:20) Mipela i bihainim eksampel bilong ol dispela Kristen bilong bipo, na mipela i luksave olsem pasin bilong go long ol haus na autim tok em gutpela rot bilong helpim ol man.