Tikronika To Sungula 7:1-40
7 Vana va Isakara a ku ri Tola, Puwa, Yaxubu na Ximroni,+ a va ri mune.
2 Vana va Tola a ku ri Uzi, Refaya, Yeriyele, Yahamayi, Ibisamu na Xemuwele, lava a va ri tindhuna ta mindyangu. Vatukulu va Tola a va ri tinhenha ta matimba, lava nhlayo ya vona enkarhini wa Davhida a yi ri 22 600.
3 Naswona vatukulu va Uzi a ku ri Iziraha, vana va Iziraha a ku ri: Mikayele, Obadiya, Yuwele na Ixaya, hi ntlhanu ka vona a va ri tindhuna.
4 A va ri ni masocha ya 36 000 lama lunghekeleke ku lwa nyimpi, lama humaka eka vatukulu va vona hi ku ya hi tindhuna ta mindyangu ya vona, hikuva a va ri ni vasati vo tala ni vana vo tala.
5 Naswona vamakwavo lava humaka eka mindyangu hinkwayo ya Isakara a va ri tinhenha ta matimba ta 87 000, leti tsarisiweke hi ku ya hi nxaxamelo wa swivongo swa vona.+
6 Vana va Benjamini+ a ku ri Bela,+ Bekere+ na Yediyayele,+ a va ri vanharhu.
7 Vana va Bela a ku ri Eziboni, Uzi, Uziyele, Yerimoto na Irayi, a va ri ntlhanu, a va ri tindhuna ta mindyangu, tinhenha ta matimba naswona 22 034 wa vona a va tsarisiwe eka nxaxamelo wa swivongo swa vona.+
8 Vana va Bekere a ku ri Zemira, Yowasi, Eliyezere, Eliwenayi, Omri, Yeremoto, Abiya, Anathoti na Alimethe, hinkwavo lava a va ri vana va Bekere.
9 Ku tsarisiwe 20 200 ya tinhenha ta matimba hi ku ya hi swivongo swa vona hi vatukulu va vona hi ku landza tindhuna ta mindyangu ya vona.
10 Vana va Yediyayele+ a ku ri Bilihani naswona vana va Bilihani a ku ri: Yewuxi, Benjamini, Ehudi, Kenane, Zetana, Taraxixi na Ahixakara.
11 Hinkwavo lava a ku ri vana va Yediyayele hi ku ya hi tindhuna ta mindyangu ya vakokwa wa vona, a va ri tinhenha ta matimba ta 17 200 leti lunghekeleke nyimpi.
12 Va ka Xupimi ni va ka Hupimi a ku ri vana va Iri;+ va ka Huximi a ku ri vana va Aheri.
13 Vana va Neftali+ a ku ri Yazili, Guni, Yezere na Xalumu, vatukulu va Biliha.+
14 Vana va Manase+ a ku ri: Asiriyele loyi a velekiweke hi nsati wakwe lontsongo loyi a huma eSiriya. (U veleke Makiri+ tata wa Giliyadi.
15 Makiri u lavele Hupimi na Xupimi vasati, vito ra makwavo wa vona wa xisati a ku ri Maka.) Vito ra lowa vumbirhi a ku ri Selofehada,+ kambe Selofehada a a ri ni vana va vanhwanyana ntsena.+
16 Maka nsati wa Makiri a veleka n’wana wa jaha kutani a n’wi thya vito ra Perexe; vito ra makwavo wakwe wa xinuna a ku ri Serexi; naswona vana va yena a ku ri Ulama na Rekemu.
17 N’wana* wa Ulama a ku ri Bedani. Lava a ku ri vana va Giliyadi, n’wana wa Makiri, n’wana wa Manase.
18 Makwavo wakwe wa xisati a ku ri Hamoleketa. Vana va yena a ku ri Ixihodo, Abi-ezere na Mahela.
19 Vana va Xemida a ku ri Ahiyana, Xikeme, Liki na Aniyamu.
20 Vana va Efrayimi+ a ku ri Xutela,+ Xutela a va tata wa Berede, Berede a va tata wa Tahata, Tahata a va tata wa Eliyada, Eliyada a va tata wa Tahata,
21 Tahata a va tata wa Zabada, Zabada a va tata wa Xutela, Xutela a va tata wa Ezere na Eliyadi. Kambe vavanuna va Gati+ lava velekiweke etikweni va va dlayile hikuva vona va ye va ya yiva swifuwo swa vona.
22 Tata wa vona Efrayimi u va rile masiku yo tala naswona vamakwavo a va ta va ta n’wi chavelela.
23 Endzhaku ka sweswo, a etlela ni nsati wakwe kutani a tika a veleka n’wana wa jaha. Kambe a n’wi thya vito ra Beriya,* hikuva loko a n’wi veleka ndyangu wakwe a wu weriwe hi khombo.
24 N’wana wakwe wa nhwanyana a ku ri Xera loyi a akeke muti wa Beta-horoni+ wa le Hansi+ ni wa le Henhla ni wa Uzeni-xera.
25 Naswona a ku ri na Refa n’wana wakwe na Rexefi na Tela n’wana wakwe na Tahani n’wana wakwe,
26 Ladani n’wana wakwe, Amihudi n’wana wakwe, Elixama n’wana wakwe,
27 Nuni n’wana wakwe na Yoxuwa*+ n’wana wakwe.
28 Tiko ni swimitana swa vona leswi nga ekusuhi a ku ri Bethele+ ku ya fika evuxeni bya Narani hi le vupela-dyambu bya Gezere ni swimitana leswi nga ekusuhi na Xikeme ni swimitana leswi nga ekusuhi ku ya fika ni le Ayiya* ni swimitana leswi nga ekusuhi;
29 ekusuhi ni vatukulu va Manase a ku ri na Beta-xeyani+ ni swimitana leswi nga ekusuhi, Tanaka+ ni swimitana leswi nga ekusuhi, Megido+ ni swimitana leswi nga ekusuhi na Dori+ ni swimitana leswi nga ekusuhi. Vatukulu va Yosefa n’wana wa Israyele a va tshama kwalaho.
30 Vana va Axere a ku ri Imina, Ixivha, Ixivhi na Beriya+ naswona makwavo wa vona wa xisati a ku ri Sera.+
31 Vana va Beriya a ku ri Hevere na Malikiyele, loyi a a ri tata wa Birizayiti.
32 Hevere a va tata wa Yafelete, Xomeri, Hotamu ni makwavo wa vona wa xisati Xuwa.
33 Vana va Yafelete a ku ri Pasaka, Bimihala na Axivhati. Lava a ku ri vana va Yafelete.
34 Vana va Xemeri* a ku ri Ahi, Rohaga, Yehuba na Aramu.
35 Vana va Heleme* makwavo a ku ri Sofa, Imna, Xelexi na Amali.
36 Vana va Sofa a ku ri Suwa, Harinefere, Xuwala, Beri, Imra,
37 Beseri, Hodi, Xamma, Xalixa, Itirani na Bera.
38 Vana va Yetere a ku ri Yefune, Pisipa na Are.
39 Vana va Ula a ku ri Ara, Haniyele na Risiya.
40 Hinkwavo lava a ku ri vana va Axere, varhangeri va mindyangu, tinhenha leti hlawuriweke ta matimba, tindhuna; naswona nhlayo ya vona leyi tsarisiweke hi ku ya hi swivongo+ a ku ri vavanuna+ va 26 000 lava a va lunghekele nyimpi.
Tinhlamuselo ta le hansi
^ Hi Xiheveru, “Vana.”
^ Leswi vulaka “Hi Khombo.”
^ Kumbe “Yehoxuwa,” leswi vulaka “Yehovha I Muponisi.”
^ Kumbexana “Gaza,” ku nga ri Gaza leyi nga eFilista.
^ Eka ndzimana 32 u vitaniwa Xomeri.
^ Swi nga ha endleka ku ri “Hotamu” loyi ku vulavuriwaka hi yena eka ndzimana 32.
