Amosi 9:1-15
9 Ndzi vone Yehovha+ a yime ehenhla ka altari, kutani a ku: “Bana phuphu hi le henhla leswaku yi tsekatseka. Yi tseme hi le henhla kutani vanhu lava nga ta sala ndzi ta va dlaya hi banga. A nga kona loyi a nga ta baleka naswona loyi a ringetaka ku baleka a nge yi helo.+
2 Hambiloko vo cela va tumbela eSirheni,*Voko ra mina ri ta va humesa;Hambiloko vo tlhandlukela ematilweni,Ndzi ta va hawula.
3 Hambiloko vo tumbela ehenhla ka ntshava ya Karimeli,Ndzi ta va hlota ndzi va kuma ndzi va humesa.+
Hambiloko vo ndzi tumbelela endzeni ka lwandle,Ndzi ta rhuma nyoka yi ya va luma.
4 Hambiloko valala va vona vo va teka va ya evuhlongeni,Ndzi ta lerisa banga leswaku ri va dlaya va ri kwale;+Ndzi ta va tisela khombo ku nga ri mikateko.+
5 Hikuva Yehovha wa mavuthu, Hosi Leyi Tlakukeke, hi yena Loyi a nga ta khumba tiko,*Lerova ri n’oka,+ kutani vaakatiko hinkwavo va ta rila;+Tiko hinkwaro ri ta suka ri yima ku fana ni nambu wa Nayili loko wu tele,Ri ta ya ehenhla ni le hansi ku fana ni nambu wa Nayili wa le Egipta.+
6 ‘Loyi a akaka ndlela leyi yaka ematilweniNi muako ehenhla ka mapapa;Loyi a lerisaka mati ya lwandle,Leswaku ma funengeta misava+Vito ra yena i Yehovha.’+
7 ‘Xana n’wina Vaisrayele a mi fani na vona vana va Kuxi eka mina?’ ku vula Yehovha.
‘Xana Israyele a ndzi n’wi humesanga etikweni ra Egipta,+Ni Vafilista ndzi va humesa eKreta+ na Siriya eKiri?’+
8 ‘Vonani! Matihlo ya Yehovha Hosi Leyi Tlakukeke ma langute mfumo lowu nga ni xidyoho,U ta wu herisa emisaveni.+
Kambe vatukulu va Yakobo a nge va loviseli makumu,’+ ku vula Yehovha.
9 ‘Vonani, ndzi humesa xileriso,Ndzi ta sefa yindlu ya Israyele exikarhi ka matiko hinkwawo,+Ku fana ni munhu loko a sefa hi sefo,Ku nga ri na xiribyana lexi welaka ehansi.
10 Hinkwavo lava dyoheke eka vanhu va mina va ta dlayiwa hi banga,Vona lava nge, “A hi nge weriwi hi khombo.”’
11 ‘Esikwini rero ndzi ta pfuxa yindlu ya Davhida+ leyi nga wa,Ndzi ta lunghisa laha yi onhakeke kona,Ndzi pfuxa makhumbi ya yona;Ndzi ta tlhela ndzi yi aka ku fana ni le masikwini ya khale,+
12 Leswaku vanhu va mina va teka leswi saleke swa Edomu,+Ni swa matiko hinkwawo lawa vito ra mina ri vitaniweke eka wona,’ ku vula Yehovha loyi a endlaka swilo leswi.
13 ‘Vonani! Masiku ma ta,’ ku vula Yehovha,‘Laha murimi a nga ta rhangela mutshoveri,Loyi a pyanyaka madiriva a nga ta rhangela loyi a rhwalaka mbewu;+Tintshava ti ta thona vhinyo yo tsokombela,+Yi ta khuluka eswintshabyanini hinkwaswo.+
14 Ndzi ta vuyisa vanhu va mina va Israyele lava nga evuhlongeni,+Va ta pfuxa miti leyi lovisiweke va tshama eka yona;+Va ta rima masimu ya madiriva, va nwa vhinyo ya kona,+Va ta rima mitanga, va dya mihandzu ya kona.’+
15 ‘Ndzi ta va byala etikweni ra vona,A va nge he simuriwi*Etikweni leri ndzi va nyikeke rona,’+ ku vula Yehovha Xikwembu xa wena.”
Tinhlamuselo ta le hansi
^ Kumbe “eSheol.” Vona Tinhlamuselo.
^ Kumbe “misava.”
^ Kumbe “tsuvuriwi.”
