Ezekiyele 31:1-18
-
Ku hluriwa ka Egipta, mukedari lowukulu (1-18)
31 Hi lembe ra vu-11, hi n’hweti ya vunharhu, hi siku ro sungula ra n’hweti, Yehovha a tlhela a vulavula na mina a ku:
2 “N’wana wa munhu, byela Faro hosi ya le Egipta ni vanhu vakwe u ku,+‘I mani loyi a fanaka na wena hi vukulu?
3 A ku ri ni Muasiriya, mukedari eLebanoni,Wu ri ni marhavi yo saseka ku fana ni mirhi leyi nga ni ndzhuti, wu tlakukile;A wu lehe ku ya fika emapapeni.
4 Wu kurisiwe hi mati, swihlovo leswi enteke swa mati swi endle leswaku wu kula wu ya ehenhla.
A wu byariwe laha ku nga ni swinambyana;Migerho ya swona a yi cheleta mirhi hinkwayo ya nhova.
5 Hi yona mhaka leyi wu kuleke wu leha ku tlula mirhi hinkwayo ya nhova.
Marhavi ya wona ma andzile ma tlhela ma lehaHikwalaho ka mati yo tala lawa a ma ri eswinambyanini swa wona.
6 Swinyenyana hinkwaswo swi ake swisaka swa swona emarhavini ya wona,Swiharhi hinkwaswo swi velekele ehansi ka marhavi ya wonaNaswona matiko hinkwawo lama nga ni vaaki vo tala a ma tshama endzhutini wa wona.
7 A wu saseke hi ndlela leyi hlamarisaka ni marhavi ya wona a ma lehe hi ndlela leyi hlamarisaka,Hikuva timitsu ta wona a ti dzime ti fika laha ku nga ni mati yo tala.
8 A yi nga ri kona mikedari leyi a yi fana na wona entangeni wa Xikwembu.+
A ku nga ri na mirhi ya yunipa leyi a yi ri ni marhavi yo fana ni ya wona,A ku nga ri na mirhi ya puleyini leyi a yi ri ni marhavi yo fana ni ya wona.
A ku nga ri na murhi wun’wana entangeni wa Xikwembu lowu a wu fana na wona hi ku saseka.
9 Ndzi wu endle wu saseka, wu va ni matluka yo tala,Mirhi leyin’wana hinkwayo ya le Edeni, ntanga wa Xikwembu xa ntiyiso, a yi wu navela.’
10 “Hikwalaho Yehovha Hosi Leyi Tlakukeke u ri: ‘Leswi wu leheke wu fika emapapeni naswona mbilu ya wona yi tikukumuxeke hikwalaho ka ku leha ka wona,
11 ndzi ta wu nyiketa eka mufumi wa matiko loyi a nga ni matimba.+ U ta lwa na wona naswona ndzi ta wu fularhela hikwalaho ka vuhomboloki bya wona.
12 Kutani vanhu lava humaka ematikweni man’wana, matiko lama nga ni tihanyi swinene, va ta wu tsema va wu tshika etintshaveni, matluka ya wona ma ta wela eminkoveni hinkwayo naswona eswinambyanini hinkwaswo swa tiko ku ta va ni marhavi ya wona lama tshovekeke.+ Vanhu hinkwavo va ta suka endzhutini wa wona, va wu siyisa sweswo.
13 Swinyenyana hinkwaswo swi ta tshama ensinyeni lowu nga wa ni swiharhi hinkwaswo swi ta tshama emarhavini ya wona.+
14 Leswi swi ta va tano leswaku murhi wun’wana ni wun’wana lowu milaka ekusuhi ni mati wu nga kuli wu leha kumbe wu fika emapapeni ni leswaku ku nga vi na murhi lowu cheletiwaka kahle lowu lehaka wu fika emapapeni. Hikuva hinkwayo ka yona yi ta dlayiwa, yi celeriwa swin’we ni vanhu lava rhelelaka esirheni.’
15 “Yehovha Hosi Leyi Tlakukeke u ri: ‘Hi siku leri wu nga ta ya eSirheni* ha rona ndzi ta endla leswaku ku va ni xirilo. Hikwalaho ndzi ta sivela mati lama enteke ni swinambyana swa wona leswaku swi nga khuluki. Ndzi ta endla leswaku ku va ni munyama eLebanoni hikwalaho ka wona naswona mirhi hinkwayo ya nhova yi ta vuna.
16 Ku wa ka wona loko ku twakala, ndzi ta endla leswaku matiko ma rhurhumela loko ndzi wu rhelerisa eSirheni* swin’we ni hinkwavo lava rhelelaka esirheni naswona mirhi hinkwayo ya le Edeni,+ leyo hlawuleka ngopfu ni leyinene ya Lebanoni, hinkwayo leyi cheletiwaka kahle yi ta chaveleleka esirheni.
17 Yi rhelele eSirheni* na yena,* eka lava dlayiweke hi banga+ swin’we ni lava n’wi seketelaka lava a va tshama endzhutini wakwe exikarhi ka matiko.’+
18 “‘Hi wihi murhi lowu a wu fana na wena hi ku vangama ni hi vukulu eka mirhi ya le Edeni?+ Kambe u ta rhelerisiwa esirheni ni mirhi ya Edeni. U ta etlela exikarhi ka lava nga yimbangiki lava dlayiweke hi banga. Leswi swi ta endleka eka Faro ni vanhu vakwe hinkwavo,’ ku vula Yehovha Hosi Leyi Tlakukeke.”
Tinhlamuselo ta le hansi
^ Kumbe “eSheol.” Vona Tinhlamuselo.
^ Kumbe “eSheol.” Vona Tinhlamuselo.
^ Kumbe “eSheol.” Vona Tinhlamuselo.
^ Ku nga mukedari wa le Lebanoni.
