Hosiya 6:1-11
6 “Tanani, a hi tlheleleni eka Yehovha,Hikuva u hi phatlulerile,+ kambe u ta hi tshungula.
U hi bile, kambe u ta bohelela timbanga ta hina.
2 U ta hi pfuxa endzhaku ka masiku mambirhi.
Hi siku ra vunharhu u ta hi yimisa,Kutani hi ta hanya emahlweni ka yena.
3 Hi ta tiva Yehovha, hi ta tikarhatela ku n’wi tiva.
Ku fana ni dyambu leri humaka nimixo, ha tiyiseka leswaku u ta ta eka hina;U ta ta eka hina ku fana ni mpfula leyi naka hi matimba,Ku fana ni mpfula ya ximun’wana leyi tsakamisaka misava.”
4 “Ndzi fanele ndzi endla yini hi wena Efrayimi?
Ndzi fanele ndzi endla yini hi wena Yuda?
Hikuva rirhandzu ra n’wina ri fana ni mapapa ya nimixo,Ku fana ni mberha leyi hatlaka yi nyamalala.
5 Hi swona leswi nga ta endla ndzi va lovisa hi ku tirhisa vaprofeta;+Ndzi ta va dlaya hi marito ya nomu wa mina.+
Ku avanyisiwa ka vona ku ta vangama ku fana ni ku vonakala.+
6 Kambe ndzi tsakisiwa hiloko va ndzi rhandza ku nga ri magandzelo,Ni ku tiva Xikwembu ku nga ri magandzelo yo hisiwa.+
7 Kambe leswi va nga vanhu lava nga ni xidyoho, va tlule ntwanano wa mina.+
Va ndzi xengile etindhawini toleto.
8 Giliyadi i muti wa lava endlaka leswo biha,+I muti lowu dlayetelaka vanhu vo tala.+
9 Vaprista va fana ni ntlawa wa swigevenga leswi tumbelelaka vanhu.
Va dlaya vanhu endleleni yo ya eXikeme,+Leswi va swi endlaka swi khomisa tingana.
10 Ndzi vone nchumu lowu tsemaka nhlana endlwini ya Israyele.
Kwalaho Efrayimi u endla vunghwavava;+Israyele u tithyakisile.+
11 Loko ku ri wena Yuda, u vekeriwe nkarhi, u ta hlengeletiwa ku fana ni leswi hlengeletiwaka hi nkarhi wa ntshovelo,Loko ndzi vuyisa vanhu va mina lava a va ri evuhlongeni.”+
