Tipisalema 139:1-24
Eka mufambisi. Pisalema ya Davhida. Miloti.
139 Yehovha Xikwembu xanga, u ndzi lavisisile naswona wa ndzi tiva.+
2 U tiva loko ndzi tshama ni loko ndzi yima.+
U twisisa miehleketo ya mina u ri ekule.+
3 Wa ndzi vona loko ndzi famba ni loko ndzi etlela;U tiva tindlela ta mina hinkwato.+
4 U tiva leswi ndzi lavaka ku swi vulaNdzi nga si swi vula, wena Yehovha.+
5 U ndzi rhendzerile matlhelo hinkwawo;U veke voko ra wena ehenhla ka mina.
6 Ndlela leyi u ndzi tivaka ha yona a ndzi koti ku yi twisisa.
Yi tlakuke ngopfu lerova a ndzi nge yi fikeleli.+
7 Ndzi nga ya kwihi leswaku ndzi balekela moya wa wena,Naswona ndzi nga ya kwihi leswaku ndzi balekela xikandza xa wena?+
8 Loko a ndzo ya etilweni, u ta va u ri kona,Niloko a ndzo nghena eSirheni,* u ta va u ri kona.+
9 Hambiloko a ndzo haha hi timpapa ta vurhongaNdzi ya tshama elwandle ra le kule,
10 Ni kwalaho voko ra wena ri ta ndzi kongomisaVoko ra wena ra xinene ri ta ndzi khoma.+
11 Loko ndzo vula ndzi ku: “Hakunene, munyama wu ta ndzi tumbeta!”
Kutani vusiku lebyi ndzi rhendzeleke a byi ta hundzuka ku vonakala.
12 Hambi ku ri munyama a wu nge ku siveli leswaku u vona,Vusiku byi ta fana ni nhlikanhi;+Munyama wu fana ni ku vonakala eka wena.+
13 Hikuva u endle tinso ta mina;U tshame u ndzi sirhelerile ekhwirini ra manana.+
14 Ndza ku dzunisa hikuva ndzi endliwe hi ndlela yo hlamarisa.+
Mitirho ya wena ya hlamarisa,+Sweswo ndzi swi tiva kahle.
15 Marhambu ya mina a ma ri erivaleni eka wenaLoko ndzi endliwa exihundleni,Loko ndzi ri karhi ndzi kula ekhwirini.*+
16 Matihlo ya wena ma ndzi vone ndza ha vumbeka;Swirho swa mina hinkwaswo a swi tsariwe ebukwini ya wena,Mayelana ni masiku lawa swi vumbiweke ha wona,Ku nga si va ni xin’we xa swona.
17 Xisweswo eka mina, miehleketo ya wena i ya risima swinene!+
I yikulu swinene, Xikwembu xanga!+
18 Loko ndzi ringeta ku yi hlaya, yi tele ku tlula ni swiribyana swa sava.+
Loko ndzi pfuka, ndza ha ri na wena.*+
19 Xikwembu xanga, loko ntsena a wo dlaya lowo homboloka!+
Vanhu va madzolonga* a va ta ndzi tshika,
20 Lava vulavulaka ku biha hi wena;I valala va wena lava delelaka vito ra wena.+
21 Yehovha Xikwembu xanga, xana a ndzi va vengi lava ku vengaka,+Ndzi tlhela ndzi nyenya lava ku xandzukelaka?+
22 Ndza va venga swinene;+I valala lavakulu va mina.
23 Ndzi lavisise, Xikwembu xanga, u tiva mbilu ya mina.+
Ndzi kambisise, u tiva miehleketo ya mina leyi karhatekeke.+
24 Xiya loko ku ri ni ndlela yo homboloka eka mina,+U ndzi fambisa+ endleleni leyi nga riki na makumu.
Tinhlamuselo ta le hansi
^ Kumbe “eSheol.” Vona Tinhlamuselo.
^ Hi Xiheveru, “Loko ndzi vumbiwa exikarhi ka misava.”
^ Kumbexana “A ndzi ta va ndza ha yi hlayela.”
^ Kumbe “lava nga ni nandzu wa ngati.”
