Tipisalema 27:1-14
Pisalema ya Davhida.
27 Yehovha i rivoni ra mina+ naswona wa ndzi ponisa.
Xana ndzi ta chava mani?+
Yehovha u sirhelela vutomi bya mina.+
Xana ndzi ta chava mani?
2 Loko vanhu vo biha va ndzi hlasela leswaku va ta dya nyama ya mina,+Valala va mina hi vona lava khudlunyekeke va wa.
3 Hambiloko masocha mo dzima mixaxa leswaku ma lwa na mina,A ndzi nge chavi.*+
Hambiloko valala vo lwa na mina,Ni hi nkarhi wolowo ndzi ta va ni ntshembo.
4 Ndzi kombele Yehovha nchumu wun’weKu nga lowu ndzi nga ta wu rindzela,Leswaku ndzi tshama endlwini ya Yehovha vutomi bya mina hinkwabyo,+Ndzi vona vunene bya YehovhaNi ku tlangela tempele yakwe.+
5 Hikuva u ta ndzi tumbeta endhawini yakwe leyi sirhelelekeke hi siku ra khombo;+U ta ndzi fihla endhawini leyi tumbeleke ya tende rakwe;+U ta ndzi veka ehenhla ka ribye.+
6 Sweswi ndzi hlula valala va mina lava ndzi rhendzelaka;Ndzi ta endla magandzelo etendeni ra wena ndzi ri karhi ndzi ba nkulungwana;Ndzi ta yimbelela ndzi dzunisa Yehovha.
7 Yehovha Xikwembu xanga, ndzi yingise loko ndzi huwelela;+Ndzi kombe tintswalo, u ndzi hlamula.+
8 Loko mbilu ya mina yi vulavula hi wena yi te:
“Lavani xikandza xa mina.”
Ndzi ta xi lava xikandza xa wena, Yehovha Xikwembu xanga.+
9 U nga ndzi tumbeteli xikandza xa wena.+
U nga ndzi tlherisi hikwalaho ka ku hlundzuka ka wena.
U mupfuni wa mina;+U nga ndzi rivali kumbe ku ndzi tshika, wena Xikwembu xa mina lexi ndzi ponisaka.
10 Hambiloko tatana na manana vo ndzi tshika,+Yehovha u ta ndzi teka.+
11 Ndzi dyondzise ndlela ya wena, Yehovha Xikwembu xanga,+Ndzi kongomise endleleni yo lulama hikwalaho ka valala va mina.
12 U nga ndzi nyiketi eka valala va mina,+Hikuva timbhoni ta mavunwa ti jamelane na mina,+Naswona ti ndzi xungeta hi leswo biha.
13 A ndzi ta va ndzi ri kwihi loko a ndzi nga ri na ripfumeloRa leswaku ndzi ta vona vunene bya Yehovha ndza ha hanya?*+
14 Tshemba Yehovha;+Vana ni xivindzi u tiya.+
Ina, tshemba Yehovha.
Tinhlamuselo ta le hansi
^ Hi Xiheveru, “Mbilu ya mina a yi nge chavi.”
^ Kumbexana “Ndzi ni ripfumelo ra leswaku ndzi ta vona vunene bya Yehovha ndza ha hanya.”
