Yobo 34:1-37
34 Hiloko Elihu a ya emahlweni a hlamula a ku:
2 “Ndzi yingiseni n’wina lavo tlhariha;Ndzi yingiseni, n’wina mi tivaka swo tala.
3 Hikuva ndleve yi ringa marito,Hilaha ririmi ri ringaka swakudya hakona.
4 A hi kambisiseni leswi nga swinene hina vini;A hi tiendleleni xiboho xa leswi nga swinene.
5 Hikuva Yobo u te, ‘Ndzi lulamile,+Kambe Xikwembu a xi ndzi kombanga vululami.+
6 Xana ndzi fanele ndzi hemba ndzi vula leswaku a ndzi lavi ku avanyisiwa hi ndlela leyinene?
Xilondza xa mina a xi holi hambileswi ndzi nga riki na nandzu.’+
7 I mani la fanaka na Yobo,La nwaka ku sandziwa ku fana niloko a nwa mati?
8 I munghana wa vanhu lava endlaka swo bihaNaswona u tshama ni vanhu vo homboloka.+
9 Hikuva u te, ‘Munhu a nga vuyeriwi hi nchumu
Hi ku ringeta ku tsakisa Xikwembu.’+
10 Hikwalaho, ndzi yingiseni n’wina vanhu lava twisisaka:
Xikwembu xa ntiyiso a xi nge pfuki xi endle leswo homboloka,+Lowa Matimba Hinkwawo a nga endli leswo biha!+
11 Hikuva xi ta hakela munhu hi ku ya hi leswi a swi endlaka,+Naswona u ta kuma vuyelo bya tindlela takwe.
12 Ntiyiso wa mhaka hi leswaku, Xikwembu a xi endli leswo homboloka;+Lowa Matimba Hinkwawo a nga avanyisi hi ndlela yo biha.+
13 I mani la xi nyikeke misava,I mani la xi vekeke ehenhla ka misava hinkwayo?
14 Loko xi jikela vanhu,Loko xi tihlengeletela moya wa vona ni ku hefemula ka vona,+
15 Vanhu hinkwavo a va ta lova,Naswona vanhu a va ta tlhelela entshurini.+
16 Kutani loko u ri munhu wa ku twisisa, yingisa leswi;Yingisa hi vukheta leswi ndzi swi vulaka.
17 Xana munhu la vengaka vululami a nga va mulawuri,Kumbe xana u nga sola munhu loyi a lulameke la nga ni vulawuri lebyikulu?
18 Xana u nga byela hosi u ku, ‘A wu pfuni nchumu,’Kumbe u nga byela munhu wa xiyimo xa le henhla u ku, ‘U hombolokile’?+
19 Ku ni Loyi a khomaka tihosana ku fana,Loyi a nga rhandziki swifumi ku tlula swisiwana,+Hikuva hinkwavo va vumbiwe hi mavoko ya yena.+
20 Va nga ha fa swi nga languteriwanga+ exikarhi ka vusiku;+Va rhurhumela kutani va hundza;Hambi ku ri lava nga ni matimba va susiwa kambe ku nga ri hi vanhu.+
21 Hikuva matihlo ya Xikwembu ma vona tindlela hinkwato ta munhu,+Xi vona hinkwaswo leswi a swi endlaka.
22 A ku na munyama kumbe ndzhuti lowukulu
Laha lava endlaka swo biha va nga tumbelaka kona.+
23 Hikuva Xikwembu a xi vekelanga munhu nkarhiLowu xi nga ta n’wi avanyisa ha wona.
24 Xi tshova lava nga ni matimba handle ko va kambisisa,Xi va siva hi van’wana.+
25 Hikuva xi tiva leswi va swi endlaka;+Xi va susa eswitulwini swa vona nivusiku ivi va lovisiwa.+
26 Xa va ba hikwalaho ka vubihi bya vona,Endhawini leyi va nga voniwaka hi mani na mani,+
27 Hikuva va tshike ku xi landzela,+A va na mhaka ni milawu ya xona;+
28 Va endla xisiwana xi rilela mpfuno eka xona,Lerova xi twa xirilo xa loyi a nga riki na mupfuni.+
29 Loko Xikwembu xi miyela, i mani a nga xi vonaka nandzu?
Loko xi tumbeta xikandza xa xona, i mani la nga xi vonaka?
Hambi xi xi tumbetela tiko kumbe vanhu, vuyelo bya kona bya fana,
30 Leswaku munhu la nga chaviki Xikwembu a nga fumi,+Kumbe a rhiya vanhu hi mintlhamu.
31 Hikuva xana u kona la nga byelaka Xikwembu a ku,‘Ndzi xupuriwile ndzi nga dyanga xa munhu;+
32 Ndzi kombe xihoxo xa mina;Loko ndzi onhile a ndzi nge he engeti’?
33 Xana xi fanele xi ku hakela hi ku ya hi mavonelo ya wena, leswi u kanetaka vuavanyisi bya xona?
Tiendlele xiboho hi wexe ku nga ri mina.
Kutani ndzi byele leswi u swi tivaka kahle.
34 Vanhu lava twisisaka va ta ndzi byela va ku,Tintlhari leti twaka leswi ndzi swi vulaka ti ta ku,
35 ‘Yobo u vulavula leswi a nga swi tiviki,+Naswona marito yakwe ma kombisa leswaku a nga twisisi.’
36 Yobo a a ringiwe* hi ku helelaHikuva u hlamula ku fana ni vanhu vo biha!
37 U ya a dyoha;+U ba mavoko a ri karhi a hi monya,
U ya emahlweni a vulavula ku biha hi Xikwembu xa ntiyiso!”+
Tinhlamuselo ta le hansi
^ Kumbexana “Tatana, Yobo a a ringiwe.”
