Yobo 7:1-21
7 “Xana vutomi bya munhu emisaveni a byi fani ni vuhlonga?
Xana masiku yakwe a ma fani ni masiku ya mutirhi?+
2 Ku fana ni hlonga u navela ndzhuti,Naswona ku fana ni mutirhi u rindzela muholo wakwe.+
3 Xisweswo ndzi averiwe tin’hweti leti nga pfuniki nchumu
Ndzi hlayeriwe ni vusiku bya maxangu.+
4 Loko ndzi etlela ndza vutisa, ‘Xana ndzi ta pfuka rini?’+
Kambe loko vusiku byi ri karhi byi famba hi ku nonoka, ndzi hundzuluka ndzi nga heti kukondza ri xa.
5 Miri wa mina wu tele hi swivungu ni mabuwa ya misava;+Nhlonge ya mina yi tele hi swilondza leswi pfempfaka vopfu.+
6 Masiku ya mina ma famba hi ku hatlisa ku tlula ni muchini wo rhunga,+Naswona ma hela ndzi nga ri na ntshembo.+
7 Tsundzuka leswaku vutomi bya mina i moya,+Leswaku a ndzi nge he tlheli ndzi vona ntsako.
8 Tihlo leri ndzi vonaka sweswi a ri nge he tlheli ri ndzi vona;Matihlo ya wena ma ta ndzi lava kambe ndzi ta va ndzi nga ha ri kona.+
9 Ku fana ni papa leri fambaka ri tlhela ri nyamalala,Loyi a nghenaka eSirheni* a nga ha vuyi.+
10 A nge he tlheleli endlwini yakwe,Naswona ndhawu yakwe a yi nge he n’wi tivi.+
11 Hikwalaho, a ndzi nge wu pfali nomu.
Ndzi ta vulavula hikuva mbilu* ya mina ya vava;Ndzi ta va ni xirilo hikwalaho ka maxangu ya mina lamakulu!+
12 Xana ndzi lwandle kumbe ndzi xivandzana xa le lwandle,Lerova u nga ndzi vekela murindzi?
13 Loko ndzi ku, ‘Sofa ra mina ri ta ndzi chavelela;Mubedo wa mina wu ta ndzi pfuna ndzi wisa mahlomulo ya mina,’
14 U ndzi chavisa hi milorhoU tlhela u ndzi chuhisa hi swivono,
15 Lerova a ndzi ta hlawula ku tlimbiwa ndzi fa,Ina, rifu ematshan’weni ya miri lowu wa mina.+
16 Ndzi venga vutomi bya mina;+ a ndza ha swi lavi ku ya emahlweni ndzi hanya.
Ndzi tshike, hikuva masiku ya mina ma fana ni moya.+
17 Xana munhu wo va yini lerova u tikarhata hi yenaNi ku va u n’wi tekela enhlokweni?*+
18 Hikwalaho ka yini u n’wi kambela mixo wun’wana ni wun’wana,Ni ku tshamela ku n’wi ringa?+
19 Xana a wu nge tshiki ku ndzi languta,U ndzi tshikanyana ndzi mita marha?+
20 Loko ndzi dyohile, ndzi nga ku vavisa njhani, wena Mukamberi wa vanhu?+
Hikwalaho ka yini u ndzi hlasela?
Xana ndzi hundzuke ndzhwalo eka wena?
21 Hikwalaho ka yini u nga ndzi rivaleli xidyoho xa minaU sula nandzu wa mina?
Hikuva ku nga ri khale ndzi ta etlela entshurini,+U ta ndzi lava, kambe ndzi ta va ndzi nga ha ri kona.”
Tinhlamuselo ta le hansi
^ Kumbe “Sheol.” Vona Tinhlamuselo.
^ Hi Xiheveru, “moya.”
^ Hi Xiheveru, “veka embilwini.”
