Madzolonga lama vangiwaka hi mitlawa ma tele ngopfu eHaiti. Madzolonga ma vanga ku xaniseka eAfrika Dzonga, Mexico ni le matikweni man’wana ya Latin Amerika. Swiviko swa ku yiviwa ka nhundzu swi endla vanhu va titwa va nga sirhelelekanga ni ku vilela, hambiloko ematikweni lawa va tshamaka eka wona madzolonga ma hungutekile.

 Xana Bibele yi ri yini hi ku kala nawu loku endlekaka emisaveni hinkwayo?

 Bibele yi profete leswaku ku kala nawu ku ta va xin’wana xa swikombiso “xa ku fika ka makumu.” (Matewu 24:3) Loko a hlamusela swiendlakalo leswi a swi ta va xikombiso xa ku fika ka makumu Yesu Kreste u te:

•   “Nakambe rirhandzu ra vo tala ri ta hola hikwalaho ka ku andza ka vubihi.”—Matewu 24:12.

 Bibele yi tlhele yi profeta leswaku “emasikwini yo hetelela” vanhu va ta va “lava nga tikhomiki, lava nga ni tihanyi, lava nga rhandziki vunene.” (2 Timotiya 3:1-5) Mikhuva yoleyo ya vutianakanyi hi yona yi endlaka leswaku ku va ni ku kala nawu namuntlha.

 Kambe hi na ntshembo. Bibele yi tshembisa leswaku ku nga ri khale ku kala nawu ku ta herisiwa.

•   “Ku sele nkarhinyana leswaku lavo homboloka va herisiwa; u ta languta laha a va ri kona, kambe va ta va va nga ha ri kona. Kambe lavo rhula va ta tshama emisaveni, va ta tsaka swinene hikuva ku ta va ni ku rhula lokukulu.”—Pisalema 37:10, 11.

 Dyondza leswi engetelekeke hi rungula ra ntshembo leri nga eBibeleni, ni leswaku hikwalahokayini u fanele u tiyiseka leswaku swiendlakalo leswi hi swi vonaka namuntlha i ku hetiseka ka vuprofeta lebyi. Vona tinhlokomhaka leti landzelaka.

 “A Real Hope for a Better Tomorrow”

 “Hi Swihi Swikombiso Swa ‘Masiku Yo Hetelela’ Kumbe ‘Mikarhi Ya Makumu’?”

 “Xana Bibele Yi Profetile Hi Ndlela Leyi Vanhu Va Ehleketaka Ni Ku Hanya Hayona Namuntlha?”