“Swiphiqo swa miehleketo leswi vantshwa va nga na swona i nchumu wa nkoka lowu faneriwaka wu tekeriwa enhlokweni naswona social media hi yona yi vangaka swiphiqo leswi.”—Dr. Vivek Murthy, loyi a nga mukongomisi wa madokodela ya vuhandzuri wa le U.S., New York Times, June 17, 2024.

 Xana vatswari va nga va sirhelela njhani vana va vona eka makhombo ya social media? Bibele yi ni switsundzuxo leswi nga hi pfunaka.

 Xiya misinya leyi ya milawu ya le Bibeleni.

 “Lowo tlhariha u anakanyisisa hi leswi a nga ta swi endla.”— Swivuriso 14:15.

 Social media yi ni khombo, hikwalaho u nga ti twi nandzu loko n’wana wa wena a nga yi tirhisi. Loko u nga si pfumelela n’wana wa wena ku tirhisa social media, rhanga u tiyiseka leswaku u kule ku ringanela leswaku a kota ku tiva nkarhi lowu a faneleke a wu heta eka yona, ku va ni vanghana lavanene ni ku papalata swilo leswi nga basangiki.

•   Leswaku u dyondza leswi engetelekeke, hlaya nhlokomhaka leyi nge, “Should My Child Use Social Media?” ni le yi nge “Teaching Your Teenager Social Media Safety.”

 “Mi wu tirhisa kahle nkarhi wa n’wina.”—Vaefesa 5:16.

 Loko u pfumelela n’wana wa wena ku tirhisa social media, n’wu vekele milawu ya ndlela leyi a faneleke a yi tirhisa hayona ni ku tlhela u n’wi hlamusela ndlela leyi swi nga n’wu pfunaka hayona leswaku a tshama a hlayisekile. Xalamukela ku cinca loku nga ha vaka kona eka n’wana wa wena, sweswo swi ta ku pfuna u tiva loko u fanele u hunguta ndlela leyi a yi tirhisaka hayona social media.

•   Leswaku u pfuna n’wana wa wena a twisisa ku hikwalahokayini a fanele a vekeriwa milawu yo tirhisa social media, tirhisa vhidiyo ya tipopayi leyi nge, Vana Ni Vutlhari Loko U Tirhisa Ndhawu Yo Endla Xinghana Eka Internet

 Bibele yi vula leswaku hi hanya ‘emikarhini yo nonon’hwa leyi swi tikaka ku hanya eka yona.’ (2 Timotiya 3:1-5) Kambe yi tlhela yi hi nyika switsundzuxo leswi nga hi pfunaka ku langutana na yona. Ku ni tinhlokomhaka to tlula 20 leti lunghiseleriweke vatswari ni vana leti kumekaka eka nhlokomhaka leyi nge, on teen mental health.