YESU u tshame a ku: “Ku nyika swi tisa ntsako lowukulu ku tlula ku amukela.” (Mint. 20:35) Sweswo swa tirha ni le ka vuxaka bya hina na Yehovha. Njhani? Yehovha u hi nyike swilo swo tala leswi hi tsakisaka, kambe hi nga tsaka swinene loko hi n’wi nyika nyiko yo karhi. I nyiko ya njhani leyi hi nga yi nyikaka Yehovha? Swivuriso 3:9 yi ri: “Xixima Yehovha hi swilo swa wena swa nkoka.” “Swilo swa [hina] swa nkoka” swi katsa nkarhi, vuswikoti, matimba ni rifuwo ra hina. Loko hi tirhisa swilo swo tano evugandzerini bya ntiyiso, hi va hi nyika Yehovha nyiko naswona ku endla tano swi ta hi tisela ntsako lowukulu.

Loko swi ta eka rifuwo ra hina, i yini lexi nga ta hi pfuna leswaku hi nga rivali ku nyika Yehovha nyiko? Muapostola Pawulo u byele Vakreste va le Korinto leswaku va ‘vekela swo karhi etlhelo.’ (1 Kor. 16:2) I yini lexi u nga xi endlaka leswaku u kuma rungula leri engetelekeke hi tindlela to nyikela leti tirhisiwaka endhawini ya ka n’wina? Vona bokisi leri nga laha hansi.

Ematikweni man’wana a swi koteki ku nyikela hi ku tirhisa inthanete. Hambiswiritano, u nga kuma rungula mayelana ni tindlela tin’wana to nyikela eka donate.dan124.com. Hambiswiritano, ematikweni man’wana, tinhlamulo ta swivutiso leswi talaka ku vutisiwa mayelana ni minyikelo swa kumeka eka website yoleyo.