Xiviko Xa Vahuweleri Va Mfumo

Latvia Ri Amukela Mahungu Lamanene

BIBELE yi swi veka erivaleni leswaku ku rhandza ka Xikwembu hi leswaku “vanhu va mixaka hinkwayo va ponisiwa naswona va fikelela vutivi lebyi kongomeke bya ntiyiso.” (1 Timotiya 2:4) Lava se ku hundzeke malembe yo tala va nga ri kumi lunghelo ra ku twa mahungu lamanene sweswi se va ma twa! Le Latvia, ku fana ni le tindhawini tin’wana ta misava, vanhu lavakulu ni lavatsongo ni va mindhavuko yo hambana-hambana va ri amukela rungula, hilaha mintokoto leyi landzelaka yi kombisaka hakona.

• Le Rēzekne, ku nga doroba leri nga evuxeni bya Latvia, manana ni n’wana wakwe wa nhwanyana wa kondlo-a-ndzi-dyi va vutise ndlela eka nsati un’wana exitarateni. Endzhaku ka loko a va kombe ndlela, wansati loyi a a ri Mbhoni ya Yehovha u va rhambile leswaku va va kona eminhlanganweni ya Timbhoni.

Tanihi leswi manana loyi ni n’wana wakwe wa nhwanyana a va rhandza vukhongeri, va kunguhate ku ya eminhlanganweni yoleyo. Loko va ri endleleni, va pfumelelane leswaku loko vo vona nchumu lowu humeke endleleni, va ta huma ni ku lela va nga lelanga. Kambe minhlangano yi tsakise lerova a va kalanga va ehleketa hi ku famba. Va pfumele ku fambiseriwa dyondzo ya Bibele kutani va sungula ku va kona eminhlanganweni minkarhi hinkwayo. Endzhaku ka tin’hweti tinharhu ntsena, va phofule ku navela ka vona ku hlanganyela entirhweni wa ku chumayela naswona va langutele ku ya khuvuriwa hi mahlo-ngati.

• Edorobeni rin’wana evupela-dyambu bya Latvia, Mbhoni yi hlangane na Anna wa malembe ya 85 hi vukhale, loyi a kombiseke ku tsakela ka xiviri kutani a amukela dyondzo ya Bibele. N’wana wa wena wa nhwanyana ni swirho swin’wana swa ndyangu va n’wi kanete hi matimba. Kambe Anna a nga pfumelanga leswaku sweswo kumbe ku dyuhala kakwe ni rihanyo leri tsaneke swi n’wi sivela ku ya emahlweni ni dyondzo ya yena ya Bibele.

Siku rin’wana Anna u byele n’wana wakwe wa nhwanyana leswaku u ta khuvuriwa. N’wana wakwe u angule a ku: “Loko wo khuvuriwa ndzi ta ku yisa evuhlayiselweni bya vadyuhari.” Hambiswiritano, nxungeto wolowo a wu n’wi chavisanga Anna. Hikwalaho ka rihanyo rakwe, u khuvuriwe ekaya rakwe.

Xana n’wana wa Anna u angurise ku yini eka leswi? Langutelo ra yena ri cincile naswona u swekele mana wakwe swakudya swo hlawuleka endzhaku ka ku khuvuriwa ka yena. Hiloko a vutisa mana wakwe a ku, “U titwisa ku yini leswi se u khuvuriweke?” Anna u hlamule njhani? “Ndzi titwa ku fana ni ricece!”

• Hi December 1998, Timbhoni timbirhi ti hlangane ni khale ka ndhuna ya masocha ya le khale ka Soviet Union, leri se ri tshikeke ntirho. Leswi a ri pfumela eka Muvumbi, ri pfumele dyondzo ya Bibele kutani endzhaku nsati wa rona u hlanganyerile na yena. Va endle nhluvuko wa xihatla kutani hi ku hatlisa va ve vahuweleri lava nga khuvuriwangiki. Hi ximumu lexi landzelaka, khale ka socha leri ri khuvuriwile. Rirhandzu lerikulu ra swilo swa moya ra mpatswa lowu ri ve xikhutazo lexikulu eka hinkwavo evandlheni. Tlhandlakambirhi, va tinyiketele entirhweni wa ku hundzula yindlu ya kwalaho yi va Holo ya Mfumo leyinene.