Ta Vantshwa Va Hina

Muhloti Wa Tinyarhi Ti Vuya Hi Yena!

Swiletelo: Endla xitoloveto lexi endhawini leyi nga riki na pongo. Loko u ri karhi u hlaya matsalwa, tiehlekete u ri eka xiendlakalo lexi u hlayaka ha xona. Vona xiendlakalo xa kona hi mahlo ya mianakanyo. Twana marito lawa va ma vulaka. Titwi hi ndlela leyi vanhu lava ku vulavuriwaka ha vona va titwaka ha yona. Endla leswaku rungula leri ri twala onge ri le ku endlekeni sweswi.

VONA XIENDLAKALO XA KONA HI MAHLO YA MIANAKANYO.—HLAYA DANIYELE 6:1-28.

Xana u ehleketa yini? Dariyosi a a ri wanuna wa njhani? Hlamusela ndlela leyi u ehleketaka leswaku a a languteka ha yona. Xana u ehleketa leswaku a a vulavula njhani? (Tlhela u hlaya tindzimana 14, 16, 18-20.)

․․․․․

Xana khele ra kona a ri ri njhani, naswona a wu ta ti hlamusela njhani tinghala ta kona?

․․․․․

Hlamusela leswi u ehleketaka leswaku swi nga va swi humelerile eka timinete ti nga ri tingani to sungula endzhaku ka loko Daniyele a pfaleriwe ekheleni ra tinghala.

․․․․․

ANAKANYISISA SWINENE HI MHAKA LEYI.

Ha yini vatirhela-mfumo va Dariyosi a va vondzoka Daniyele? (Tlhela u hlaya ndzimana ya vunharhu.)

․․․․․

Ha yini Daniyele a khongele endhawini leyi a a voniwa hi mani na mani kasi a a ta va a khongele exihundleni? (Tlhela u hlaya tindzimana 10 na 11.)

․․․․․

Ha yini Dariyosi a nga ha va a tsakisiwe hi nawu lowu ringanyetiweke wa malunghana ni xikhongelo? (Tlhela u hlaya ndzimana ya vunkombo.)

․․․․․

TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Ku va ni xivindzi hambiloko u kanetiwa.

․․․․․

Ndlela leyi xikhongelo xi nga xa nkoka ha yona.

․․․․․

Yehovha wa khathala hi malandza yakwe lama tshembekaka.

․․․․․

HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․