Maxangu Lama Endlaka Leswaku Hi Va Ni Ntshembo

“Emasikwini yo hetelela ku ta fika minkarhi ya mangava leyi swi nonon’hwaka ku langutana na yona.”—2 TIMOTIYA 3:1.

XANA u tshame u twa kumbe u vona swin’wana swa swiendlakalo leswi landzelaka leswi hlomulaka mbilu?

● Vuvabyi lebyi dlayaka vanhu vo tala.

● Ndlala leyi dlayaka vanhu va madzana.

● Ku tsekatseka ka misava loku dlayaka vanhu va magidi ku tlhela ku siya vanhu vo tala va nga ri na makaya.

Eka matluka lama landzelaka, u ta hlaya hi rungula leri nga ta endla leswaku u ehleketisisa swinene hi swiendlakalo leswi. U ta tlhela u swi xiya leswaku Bibele yi profete leswaku swiendlakalo leswi a swi ta endleka “emasikwini yo hetelela.” *

Hambiswiritano, xikongomelo xa swihloko leswi a hi ku ku khorwisa leswaku hi hanya emisaveni leyi nga ni maxangu. Swi nga ha endleka leswaku maxangu lawa wa ma vona loko ma endleka. Kutani swihloko leswi swi tsaleriwe ku ku nyika ntshembo. Swi ta tlhela swi ku komba leswaku ku hetiseka ka vuprofeta bya tsevu lebyi nga eka swihloko leswi landzelaka swi kombisa leswaku ‘masiku yo hetelela’ ma ta hela ku nga ri khale. Swihloko leswi swa nxaxamelo swi ta tlhela swi kambisisa leswi vanhu va swi vulaka naswona swi ta hi nyika swivangelo leswi twalaka swo pfumela leswaku leswinene swi ta endleka ku nga ri khale.

[Nhlamuselo ya le hansi]