Xana wa ha swi tsundzuka leswi u swi hlayeke eka timagazini ta Xihondzo xo Rindza ta lembe leri? A hi vone loko u ta swi kota ku hlamula swivutiso leswi landzelaka:

Yakobo 5:11 yi hi tiyisekisa njhani loko yi vula leswaku Yehovha u ni “ntwelavusiwana lowukulu” ni “tintswalo”?

Hikwalaho ka ntwelavusiwana wakwe, Yehovha u lunghekele ku hi rivalela. Yakobo 5:11 yi tlhela yi hi tiyisekisa leswaku hi musa wakwe u tiyimisele ku hi pfuna. Hi endla kahle loko hi n’wi tekelela.—w21.01, tl. 21.

Hikwalahokayini Yehovha a endle lunghiselelo ra vuhloko?

U endle tano hileswi a hi rhandzaka. Lunghiselelo leri ri endla leswaku ndyangu wakwe wu va ni ku rhula wu tlhela wu hleleka. Mindyangu hinkwayo leyi landzelelaka lunghiselelo leri ra vuhloko, ya swi tiva leswaku i mani loyi a faneleke a teka swiboho ni ku rhangela.—w21.02, tl. 3.

Hikwalahokayini Vakreste va fanele va tivonela loko swi ta emhakeni yo tirhisa ti-app to rhumelana marungula?

Loko munhu a hlawula ku tirhisa ti-app teto, u fanele a va ni vuxiyaxiya leswaku u burisana na vamani. Sweswo a swi olovi loko u rhumelana marungula ni ntlawa wa vanhu lava u nga va tiviki. (1 Tim. 5:13) Nakambe ku katseka ni makhombo yo hundzisa swiviko leswi nga riki ntiyiso na ku hlohlotela swa mabindzu eka vamakwerhu.—w21.03, tl. 31.

Hi swihi swivangelo swin’wana leswi endleke Xikwembu xi tshika Yesu a xaniseka a tlhela a fa?

Xivangelo xo sungula hileswaku loko Yesu a hayekiwa emhandzini, a swi ta endla leswaku Vayuda va tshunxiwa eka ndzhukano. (Gal. 3:10, 13) Xivangelo xa vumbirhi hileswaku Yehovha a a letela Yesu ku va Muprista Lonkulu. Ku tshembeka ka Yesu ku fikela eku feni swi kombise leswaku vanhu va nga swi kota ku tshama va tshembekile hambiloko va langutana ni miringo. (Yobo 1:9-11)—w21.04, ndzim. 16-17.

U nga endla yini loko vanhu va nga kumeki ensin’wini?

U nga ringeta ku chumayela hi nkarhi lowu va kumekaka ha wona emakaya. U nga tlhela u ringeta ku chumayela etindhawini to hambanahambana. Nakambe ringeta endlelo rin’wana ro tanihi ku chumayela hi ku tirhisa mapapila.—w21.05, ndzim. 15-16.

Xana muapostola Pawulo a a vula yini loko a ku: “Ndzi file hikwalaho ka nawu”? (Gal. 2:19)

Nawu wa Muxe wu paluxe xidyoho lexi vanhu va nga na xona ni ku kongomisa Vaisrayele eka Kreste. (Gal. 3:19, 24) Sweswo swi endle leswaku Pawulo a amukela Kreste. Hi ku endla tano, Pawulo u “file hikwalaho ka nawu,” a wu nga ha tirhi eka yena.—w21.06, tl. 31.

Xana Yehovha u hi vekele njhani xikombiso xa ku tiyisela?

Yehovha u tiyiselele ku onhiwa vito, ku ariwa tanihi mufumi wa vuako hinkwabyo, ku xandzukeriwa hi vana van’wana, ntshamelo maxelo ya mavunwa ya Sathana, ku xaniseka ka malandza, ku hambanisiwa ni vanghana hikwalaho ka rifu, ku xaniseka ka vanhu ni ku onhiwa ka ntumbuluko wakwe.—w21.07, ndzim. 9-12.

Hi xihi xikombiso xa ku lehisa mbilu lexi Yosefa a hi vekeleke xona?

U tiyisele ku khomiwa hi ndlela ya tihanyi hi vamakwavo. Sweswo swi endle ku va n’wi lumbeta ni ku n’wi xavisa eEgipta laha a nga fika a khotsiwa ku ringana malembe yo tala.—w21.08, tl. 12.

Hi kwihi ku tsekatseka loku Hagayi 2:6-9, 20-22 yi vulavulaka hakona?

Hambileswi matiko ma bakanyaka mahungu lamanene ya Mfumo kambe vo tala va wu amukela ntiyiso. Ku nga ri khale, matiko ma ta tsekatseka loko ma lovisiwa.—w21.09, ndzim. 15-19.

Hikwalahokayini hi nga fanelanga hi karhala ku endla ntirho wa hina wo chumayela?

Yehovha wa ku vona ku tikarhata ka hina naswona wa swi tlangela. Loko hi nga karhali, hi ta kuma vutomi lebyi nga heriki.—w21.10, ndzim. 25-26.

Levhitika ndzima 19 yi nga hi pfuna njhani leswaku hi yingisa xitsundzuxo lexi nge: “Na n’wina kwetsimani emahanyelweni ya n’wina hinkwawo”? (1 Pet. 1:15)

Marito lama nga eka ndzimana yoleyo ma tshahiwe eka Levhitika 19:2. Ndzima 19 yi ni swikombiso leswi nga hi pfunaka ku tirhisa 1 Petro 1:15 evuton’wini bya hina bya siku ni siku.—w21.12, ndzim. 3-4.