“Lavo Rhula Va Ta Dya Ndzhaka Ya Misava”
Vo tala va hina hi vone swikombiso swo tala leswi kombisaka ku kala vululami, laha vanhu lavanene vo kala nandzu va khomiweke hi ndlela ya tihanyi hi vanhu vo biha. Xana wu ta fika nkarhi lowu lavo homboloka va nga ta va va nga ha ri kona?
Eka Pisalema 37 Bibele yi hi nyika nhlamulo ya kona naswona yi hi nyika nkongomiso namuntlha. Vona leswi yi swi vulaka hi swivutiso leswi swa nkoka.
Hi nga endla yini loko vanhu va hi xanisa?—Ndzimana 1, 2.
Ku ta endleka yini hi lavo homboloka?—Ndzimana 10.
Hi byihi vumundzuku bya lava endlaka leswinene?—Ndzimana 11, 29.
Hi fanele hi endla yini sweswi?—Ndzimana 34.
Marito lama huhuteriweke lama nga eka tsalwa ra Pisalema 37, ma kombetela eka vumundzuku lebyinene bya lava ‘tshembaka Yehovha ni ku hlayisa ndlela yakwe.’ Timbhoni ta Yehovha ti nga tsakela ku ku pfuna ku dyondza Bibele ni ku tiva leswi u nga swi endlaka leswaku u kuma vumundzuku byebyo, wena ni lava u va rhandzaka.
U Nga Ha Tsakela
MALUNGHANA NA HINA
Ha Yini U Fanele U Dyondza Bibele?
Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?
XIHONDZO XO RINDZA
Xana Xikwembu Xi Ta Endla Yini Hi Vubihi Lebyi Nga Kona?
Xana mhaka ya ku hanya emisaveni laha vanhu vo lulama va nga ta ka va nga humeleriwi hi swo biha a yi ku tsakisi?
SWIVUTISO LESWI HLAMURIWAKA HI BIBELE
Ku Ta Tisa Ku Yini Ku Rhula Emisaveni?
Dyondza ndlela leyi Xikwembu xi nga ta ku tisa ha yona ku rhula emisaveni hi ku tirhisa Mfumo wa xona.
