Rifu ri hi khumba hinkwerhu kambe xana i makumu ya vutomi? Xana vafi a va nge he tsundzukiwi? Xana lava feke va ta pfuka?

LAVA FEKE A VA RIVARIWANGA

‘Hinkwavo lava nga eka masirha-bako . . . va ta huma.’—Yohane 5:28, 29.

Xikwembu a xi va rivalanga lava feke, xi ta pfuxa lava nga emiehleketweni ya xona.

KU TA VA NI KU PFUXIWA KA VAFI EMISAVENI

“Ku ta va ni ku pfuxiwa ka lava lulameke ni ka lava nga lulamangiki.”—Mintirho 24:15.

Vanhu va timiliyoni va ta pfuxiwa va hanya hilaha ku nga heriki emisaveni leyi nga ni ku rhula.

MHAKA YA KU PFUXIWA KA VAFI I YA XIVIRI

‘[Xikwembu] xi hlaya tinyeleti leswaku i tingani; Hinkwato ka tona xi ti vitana hi mavito ya tona.’—Pisalema 147:4.

Leswi Xikwembu xi tivaka tinyeleti hinkwato hi mavito, xi ta tsundzuka vanhu lava xi nga ta va pfuxa.