Xana Yehovha wa swi tiva leswi hi faneleke? Ina! Hi fanele hi swi tshemba, hi tlhela hi kombisa vutlhari hi ku landzela nkongomiso wakwe. (Swiv 16:3, 9) Hambiswiritano, nkarhi wun’wana hi nga ha ringeka loko nkongomiso wu nga pfumelelani ni leswi hina hi swi ehleketaka. Hi nga tshemba vutlhari bya Yehovha swinene hi ku va hi anakanyisisa hi swilo leswi a swi tumbuluxeke.—Swiv 30:24, 25; Rhm 1:20.

HLALELANI VHIDIYO LEYI NGE, XANA SWI LO ENDLIWA? NDLELA LEYI VUSOKOTI BYI FAMBAKA HAYONA KUTANI MI HLAMULA SWIVUTISO LESWI LANDZELAKA:

• Hi wihi ntirho wa vusokoti loko rixile?

• Vusokoti byi endla yini leswaku byi nga sivelani ndlela?

• Vanhu va nga dyondza yini eka ndlela leyi vusokoti byi fambaka hayona?

HLALELANI VHIDIYO LEYI NGE,  XANA SWI LO ENDLIWA? NDLELA LEYI TINYOXI TI HAHAKA HAYONA KUTANI MI HLAMULA SWIVUTISO LESWI LANDZELAKA:

• Hi swihi swiphiqo leswi vanhu va vaka na swona loko va hahisa xihahampfuka?

• Tinyoxi ti swi kotisa ku yini ku haha handle ko kavanyetiwa hi moya?

• I yini leswi vanhu va nga swi dyondzaka eka vutlharhi bya tinyoxi?

Hi byihi vumbhoni bya ntumbuluko lebyi kombisaka leswaku Yehovha u tlharihile?