Tinhlengeletano ta vandlha i xiphemu xa nkoka swinene xa vugandzeri lebyi tengeke. (Ps 22:22) Lava hlengeletanaka leswaku va gandzela Yehovha va tsaka ni ku kuma mikateko. (Ps 65:4) Swichudeni swa Bibele swi endla nhluvuko hi ku hatlisa loko swi va kona etidyondzweni nkarhi ni nkarhi.

U nga swi pfuna njhani swichudeni swa Bibele leswaku swi va kona enhlengeletanweni ya vandlha? Tshama u ri karhi u swi rhamba. Swi kombe vhidiyo leyi nge, Ku Endliwa Yini eHolweni Ya Mfumo? Swi byele leswaku swi ta vuyeriwa njhani hi ku va kona. (lff dyondzo 10) Swi byela hi leswi u swi dyondzeke enhlengeletanweni kumbe leswi nga ta dyondziwa eka leyi landzelaka. Nyika swichudeni swa wena nkandziyiso lowu nga ta dyondziwa. Tlhela u swi pfuna hi tindlela tin’wana. Kumbexana u xi pfuna hi xo famba. Matshalatshala lama u nga ta ma endla a ku nge vi nyuku wa mbyana loko xichudeni xa wena xi ta ro sungula etinhlengeletanweni.—1Ko 14:24, 25.

HLALELANI VHIDIYO LEYI NGE, PFUNA SWICHUDENI SWA WENA SWA BIBELE LESWAKU SWI VA KONA ETIDYONDZWENI KUTANI MI HLAMULA SWIVUTISO LESWI LANDZELAKA:

• Hi wihi nkarhi lowunene lowu Rhulani a wu tirhiseke leswaku a rhamba Xiluva enhlengeletanweni ya vandlha?

• Hikwalahokayini hi tsaka loko xichudeni xa Bibele xi ta enhlengeletanweni ya vandlha?

• I yini leswi Xiluva a swi xiyeke loko a ya enhlengeletanweni ya vandlha ro sungula?