LEXI ENDLAKA SWI VA SWA NKONKA: Loko swichudeni swa hina swa Bibele swi lunghiselela, swi ta swi olovela ku twisisa rungula leri swi ri hlayaka ni ku tsundzuka leswi hi swi dyondziseke swona. Loko swi twisisa ni ku tsundzuka leswi swi swi dyondzeke, swi ta endla nhluvuko hi ku hatlisa. Ni loko se swi khuvuriwile, swi fanele swi hambeta swi lunghiselela loko swi ya emihlanganweni ni le nsin’wini leswaku swi ta kota ku “tshama swi rindzile.” (Mt 25:13) Hikokwalaho, loko swi tiva ndlela leyinene ya ku dyondza swi ta vuyeriwa vutomi bya swona hinkwabyo. Hi fanele hi dyondzisa swichudeni swa hina leswaku swi titoloveta ku lunghisela dyondzo to ho suka.

NDLELA LEYI U NGA SWI ENDLAKA HA YONA:

• Vana xikombiso lexinene. (Rhm 2:21) Lunghiselela u ri karhi u anakanya hi xichudeni xa wena. (km 11/15 3) Xi kombe laha u khwatihateke kona ebukwini ya wena

• Xi khutaze leswaku xi lunghiselela. Loko dyondzo se yi sungurile, xi byele leswaku ku lunghisela i xiphemu xa dyondzo ya n’wina u tlhela u xi byela ni ndlela leyi xi nga ta vuyeriwa ha yona loko xi endla tano. Xi hlamusela ndlela leyi xi nga ti xavelaka nkarhi wo lunghiselela ha yona. Van’wana loko va dyondzisa va nyika xichudeni xa vona buku ya vona leyi lunghiseleriweke leswaku va xi pfuna xi kota ku vona nkoka wo lunghiselela. Xi bumabumele loko xi lunghiselerile

• Xi kombe ndlela yo lunghiselela. Van’wana va komba xichudeni xa vona ndlela yo lunghiselela dyondzo to ho suka