Leswaku swichudeni swa Bibele swi tsakisa Xikwembu, swi fanele swi va ni ripfumelo leri tiyeke. (Hv 11:6) Hi nga fikelela timbilu ta vona hi ku tirhisa buku leyi nge, Tiphine Hi Vutomi Hilaha Ku Nga Heriki! Buku leyi yi ni matsalwa, tinhlamuselo leti twisisekaka, swivutiso, tivhidiyo leti khutazaka ni swifaniso swo xonga. Loko hi pfuna swichudeni swi va ni mahanyelo ya Vakreste ni ku va ni vuxaka ni Xikwembu, swi ta rhandza Yehovha hilaha ku heleleke.—1Ko 3:12-15.

Leswi hi nga xi voniki Xikwembu, van’wana swa va tikela ku ehleketa hi ku va vanghana va xona. Hikwalaho, hi fanele hi swi pfuna leswaku swi tiva Yehovha swi tlhela swi n’wi tshemba.

HLALELANI VHIDIYO LEYI NGE, PFUNA VAN’WANA VA VA NI RIPFUMELA EKA YEHOVHA HI KU TIRHISA “TIPHINE HI VUTOMI HILAHA KU NGA HERIKI!” KUTANI MI HLAMULA SWIVUTISO LESWI LANDZELAKA:

• Hi swi tiva njhani leswaku makwerhu u yi lunghiselele kahle dyondzo?

• U swi tirhise njhani swivutiso ku pfuna xichudeni leswaku xi phofula ndlela leyi xi titwaka hayona hi tsalwa ra Esaya 41:10, 13?

• Vhidiyo na tindzimana ta Bibele swi xi khumbe njhani xichudeni?

Vanhu vo tala a va wu twisisi nkutsulo nakambe a va wu teki tanihi nyiko leyi humaka eka Xikwembu. (Ga 2:20) Hikwalaho, hi fanele hi swi pfuna swi va ni ripfumelo eka gandzelo ra nkutsulo ra Yesu.

HLALELANI VHIDIYO LEYI NGE, PFUNA VAN’WANA VA VA NI RIPFUMELA EKA YESU HI KU TIRHISA “TIPHINE HI VUTOMI HILAHA KU NGA HERIKI!” KUTANI MI HLAMULA SWIVUTISO LESWI LANDZELAKA:

• Hi swi tiva njhani leswaku makwerhu u yi lunghiselele kahle dyondzo?

• U ri tirhise njhani rungula leri nga eka “Kuma Leswi Engetelekeke” leswaku a pfuna xichudeni?

• Hikwalahokayini xikhongelo xi ri xa nkoka eka xichudeni?