MAHANYELO YA VAKRESTE
Hi Nga Swi Kota Ku Endla Xiavelo Xo Tika Hi Ku Pfuniwa Hi Moya Lowo Kwetsima
Ematin’wini, vanhu va Yehovha va kote ku endla swilo swo hlamarisa, ku nga ri hi vuswikoti bya vona kambe hikwalaho ko pfuniwa hi Yehovha. Hi 1954, nhlangano wa Yehovha wu humese filimi leyi nge, Vandla Ra Misava Leyintshwa Leri Gingiritekaka. Yi endliwe hi vamakwerhu lava tirhaka eBethele, lava nga riki na ntokoto wa ku endla tifilimi. Xiavelo lexi xo tika xi koteke hikwalaho ka moya lowo kwetsima wa Yehovha. Leswi swi hi tiyisekisa leswaku hi nga swi kota ku endla xiavelo lexi hi nyikiwaka xona, ntsena loko hi titshega hi Yehovha.—Zk 4:6.
HLALELANI VHIDIYO LEYI NGE, KU ENDLIWA KA VHIDIYO LEYI NGE “VANDLA RA MISAVA LEYINTSHWA LERI GINGIRITEKAKA” KUTANI MI HLAMULA SWIVUTISO LESWI LANDZELAKA:
-
Hikwalahokayini ku tekiwe xiboho xo endla filimi hi yindlunkulu ya Timbhoni ta Yehovha?
-
Filimi leyi yi swi kombise njhani leswaku Bethele yi fana ni miri wa munhu?—1Ko 12:14-20
-
Hi yihi mitlhontlho leyi vamakwerhu va langutaneke na yona loko va endla filimi leyi naswona va yi hlule njhani?
-
Rungula leri ri ku dyondzisa yini hi moya lowo kwetsima wa Yehovha?
