Hi September 6, 2018 eHokkaido, exihlaleni xa n’walungu wa Japani, ku ve ni ku tsekatseka lokukulu ka misava, loku tekeke mpimo wa 6,7. Ku tsekatseka koloko ku dlaye vanhu va 41 naswona gezi ri fambile etindhawini to tala, leswi endleke leswaku swo famba swa mani na mani swi kayivela ni ku endla leswaku vanhu va nga ha koti ku vulavurisana exihlaleni lexi.

Rhavi ra le Japani ri vike leswaku hambileswi a nga ri ki kona makwerhu la feke kambe vamakwerhu va nkombo va vavisekile eka ku tsekatseka loku ka misava. Ma kaya ya 100 ya Timbhoni ni Tiholo ta Mfumo ta mune swi onhakile.

Endzhaku ka loko ku ve ni ku tsekatseka loku, rhavi ri kongomise vahuweleri leswaku va phalala vamakwerhu lava weriweke hi mhangu leyi hi swakudya, mati ni swin’wana leswi lavekaka. Ku simekiwe Komiti Yo Phalala leyi a yi ta tirhiseriwa ku pfuna vamakwerhu loko ku va ni timhangu.

Hi khongela eka Yehovha leswaku a hambeta a pfuna vamakwerhu lava weriweke hi mhangu leyi leswaku va va ni ku rhula etimbilwini ni le mianakanyweni.—Vafilipiya 4:6, 7.