Vakorinto Va Ku Sungula 3:1-23
3 Vamakwerhu, a ni swi kotanga ku vulavula na n’wina ingaku mo va vanhu lava kongomisiwaka hi moya wa ku kwetsima,+ kambe ni vulavule na n’wina ku fana ni vanhu va nyama* ni lava nga swivanani+ ka Kreste.
2 Ni mi wundle hi leiti ku nga li hi swakudla swa ku tiya, hikusa a mi nge se tiyela. Phela ni swoswi a mi se tiyela,+
3 hikusa ma ha li vanhu va nyama.+ Loko ma ha ni wukwele ni ku tlhela mi holovisana hi xin’wina, a mi fani ni vanhu va nyama+ mi tlhela mi hanya ku fana na vona ke?
4 Hikusa loko mun’we a ku: “Mina ni wa Pawulo,” mun’wanyani a ku: “Mina ni wa Apolosi,”+ leswo a hi ku hanya ku fana ni vanhu ke?
5 Kasi Apolosi wa kona o va mani? Pawulo ke, o va mani? I vatirhi+ ntsena lava yendlaka ntirho wa Hosi, lava nga mi pfuna swaku mi va vapfumeli.
6 Mina ni byalile,+ Apolosi a regara+ kambe Xikwembu hi xona xi nga swi kulisa.
7 Lweyi a byalaka ni lweyi a regaraka a hi va nchumu, kambe wa lisima i Xikwembu lexi swi kulisaka.+
8 Lweyi a byalaka ni lweyi a regaraka va ni xikongomelo xin’we,* kambe mun’wani ni mun’wani a ta holeliwa hi ku ya hi ntirho wa yena.+
9 Hikusa hina hi tirha xikan’we ni Xikwembu. N’wina mi nsimu ya Xikwembu leyi rimiwaka hi xona, mi yindlo leyi yakiwaka hi Xikwembu.+
10 Hi timpsalu tatikulu ta Xikwembu leti xi nga ni nyika tona, ni vekile masungulo*+ ku fana ni mextri lweyi a swi kotaka kahle ku yaka; kambe ku ni mun’wani a yakaka henhla ka wona. Mun’wani ni mun’wani a a tshami na a tivonela ka leswi a yakisaka swona henhla ka wona.
11 Hikusa a ku na munhu lweyi a nga vekaka masungulo man’wani loko ku nga li lawa se ma nga vekiwa, ku nga Yesu Kreste.+
12 Loko munhu a yaka henhla ka masungulo lawa hi woru, prata, maribye ya lisima, timhandzi, byanyi kumbe mahlanga,
13 ntirho wa yena wu ta voneka swaku wu tshamise ku yini,* hikusa siku la kona li ta fika na li ni ndzilu+ swaku li kombisa leswi ntirho wa mun’wani ni mun’wani wu nga swona, se ndzilu wu ta swi kombisa swaku ntirho wa kona wu tiyile kumbe a wu tiyanga.
14 Loko ndzilu wu nga swi hisi leswi munhu a nga swi yaka henhla ka masungulo, a ta katekisiwa.
15 Kambe loko ndzilu wo swi hisa, a ta swi luza, kambe yena a ta ponisiwa; kambe swi ta yendla ingaku yena a hundze hi ka ndzilu.
16 A mi swi tivi swaku n’wina mi tempele ya Xikwembu+ ni swaku moya wa ku kwetsima wa Xikwembu wu tshama ka n’wina ke?+
17 Loko munhu a hahlula tempele ya Xikwembu, Xikwembu xi ta mu helisa; hikusa tempele ya Xikwembu ya kwetsima naswona n’wina mi tempele yoleyo.+
18 Ku nga tshuki ku va ni lweyi a tikanganyisaka: Loko mun’we xikarhi ka n’wina a pimisa swaku a tlharihile ka vanhu va misava leyi, a a ve xiphunta swaku a ta va wa ku tlhariha.
19 Hikusa wutlharhi la misava leyi i wuphunta ka Xikwembu. Phela ku tsaliwile: “Xi phasa va ku tlhariha hi maplanu* ya vona.”+
20 Naswona ku tsaliwile: “Yehovha* wa swi tiva swaku mimpimiso ya vanhu va ku tlhariha a yi pfuni nchumu.”+
21 Kutani ku nga vi ni munhu lweyi a tibumaka hi vanhu; hikusa minchumu hinkwayu i ya n’wina,
22 hambi Pawulo kumbe Apolosi kumbe Khefasi*+ kumbe misava kumbe wutomi kumbe lifu kumbe minchumu leyi nga kona swoswi kumbe leyi ya ha taka, hinkwaswu i swa n’wina;
23 n’wina mi va Kreste;+ kasi Kreste yena i wa Xikwembu.
Tinhlamunselu ta le hansi
^ Kumbe: “lava mandiwaka hi mimpimiso ya vanhu”.
^ Kumbe: “va fana”.
^ Kumbe: “fundação”.
^ Hi Xigriki: “wu ta yendliwa wu voneka”.
^ Kumbe: “makungu”.
^ Vona Xiyengetelo A5.
^ Naswona a vitaniwa Pedru.
