Vakorinto Va Ku Sungula 6:1-20
6 Hi mhaka muni loko mun’we ka n’wina a holovisana ni mun’wani,+ a tiya ku ya tribunali a ya mangala ka vanhu va ku kala va nga lulamanga a tshika ku yisa mhaka leyo ka vakwetsimi?
2 Mo kala mi nga swi tivi swaku vakwetsimi va ta yavanyisa misava ke?+ Naswona loko swi ku misava yi ta yavanyisiwa hi n’wina, mi tsandzeka hi yini ku lulamisa timhaka tatitsongo?
3 A mi swi tivi swaku hi ta yavanyisa tintsumi?+ Se hi mhaka muni hi nga yavanyisi swimhakamhakani leswi yendlekaka swoswi?
4 Loko mi ni timhaka leti lavaka ku thethiwa,+ hi mhaka muni mi ya ka vanhu lava kalaka va nga li va le bandleni swaku va mi thethisa?
5 Ni mi byela leswo swaku ni mi danisa. Ko kala ku nga na munhu wa ku tlhariha xikarhi ka n’wina lweyi a nga kotaka ku yavanyisa timhaka xikarhi ka n’wina ke?
6 Kambe makwavu a ya tribunali a ya mangalela makwavu ka vanhu va ku kala va nga li vapfumeli!
7 Phela swi ta va swi mi tsandzile loko mi za mi ya mangalelana tribunali. Hi mhaka muni mi nga pfumeli ku wonheliwa?+ Naswona hi mhaka muni mi nga pfumeli ku kanganyisiwa ke?
8 Phela na n’wina ma va wonhela vamakwenu va n’wina mi tlhela mi va kanganyisa!
9 A mi swi tivi swaku vanhu va ku kala va nga lulamanga a va nge dli tshomba la Mfumu wa Xikwembu ke?+ Mi nga kanganyisiwi. Lava yendlaka wuntunga la swa masangu,*+ lava gandzelaka swikwembu swa mavunhwa,+ lava mbuyetaka,+ vavanuna lava tiyendlaka vavasati+ ni vavanuna lava fambaka masangu ni vavanuna van’wani,+
10 vayivi, vanhu va makwanga,*+ swidakwa,+ lava rhuketelaka ni vakanganyisi, a va nge dli tshomba la Mfumu wa Xikwembu.+
11 Kambe leswo hi leswi van’wani va n’wina a mi hanyisa swona. Kambe mi hlampsiwile mi basa;+ mi kwetsimisiwile;+ mi vuliwe va ku lulama+ hi vito la Hosi Yesu Kreste ni hi moya wa ku kwetsima wa Xikwembu xa hina.
12 Hinkwaswu na swi pfumela kambe a hi hinkwaswu swi pfunaka.+ Hinkwaswu na swi pfumela kambe a ni nga ta pfumela ku mandiwa hi nchumu.
13 Swakudla i swa khwirhi, ni khwirhi i la swakudla kambe Xikwembu xi ta swi helisa hawumbirhi ka swona.+ Muzimbha a hi wa ku yendla wuntunga la swa masangu* hi wona kambe i wa Hosi+ naswona Hosi i n’winyi wa muzimbha.
14 Kambe Xikwembu xi pfuxe Hosi+ naswona xi ta hi pfuxa na hina ku feni+ hi matimba ya xona.+
15 A mi swi tivi swaku muzimbha wa n’wina i swirho swa muzimbha wa Kreste?+ Se ni fanele ni teka swirho swa muzimbha wa Kreste ni swi tlhanganisa ni nghwavani? Ihim, nikutsongo!
16 A mi swi tivi swaku lweyi a titlhanganisaka ni nghwavani a tiyendla muzimbha wun’we na yona ke? Hikusa Xikwembu xi li: “Havambirhi va ta va nyama yin’we.”+
17 Kambe lweyi a titlhanganisaka ni Hosi a pimisa ku fana na yona.+
18 Balekani wuntunga la swa masangu!*+ Xidjoho xin’wani ni xin’wani lexi munhu a xi yendlaka a xi wu chakisi muzimbha wa yena kambe lweyi a hanyaka hi wuntunga la swa masangu a djohela muzimbha wa yena.+
19 A mi swi tivi swaku muzimbha wa n’wina i tempele+ ya moya wa ku kwetsima lowu nga ka n’wina mi nga nyikiwa hi Xikwembu?+ Phela a mi tifumi+
20 hikusa mi xaviwile hi presu.*+ Hi mhaka leyo dzunisani Xikwembu+ hi muzimbha wa n’wina.+
Tinhlamunselu ta le hansi
^ Hi Xigriki: “porneía”. Vona Ntlhamuselo.
^ Ku nga ku navela ku va ni swa swinyingi ku tlula mpimu.
^ Hi Xigriki: “porneía.” Vona Ntlhamuselo.
^ Hi Xigriki: “porneía.” Vona Ntlhamuselo.
^ Kumbe: “nxavu.”
