Yohani Wa Ku Sungula 2:1-29
2 Vana va mina va ku rhandzeka, ni mi tsalela swilo leswi leswaku mi nga djohi. Kambe loko munhu o djoha, hi ni mupfuni* wa ku lulama+ lweyi a nga na Papayi, ku nga Yesu Kreste.+
2 Yena i gandzelo+ leli nga nyikeliwa leswaku hi ta rivaleliwa swidjoho swa hina,+ kambe ku nga li swidjoho swa hina ntsena, ni swa misava hinkwayu.+
3 Loko hi tama hi hanya hi minawu ya yena, hi kombisa swaku ha mu tiva.
4 Lweyi a nge: “Se na mu tiva,” kambe na a nga hanyi hi minawu ya yena, i muhembi naswona munhu yelweyo a nga na ntiyiso.
5 Kambe lweyi a yingisaka rito la yena, swi ta tikomba swaku wa xi rhandza Xikwembu hi mbilu hinkwayu.+ Loko na hina hi yendla leswo, hi ta va hi kombisa swaku hi famba na yena.+
6 Lweyi a nge a longoloka na yena a fanele a fambisa xileswi Yesu a a fambisa xiswona.+
7 Vamakwerhu va ku rhandzeka, a ni mi tsaleli nawu wa nyuwani kambe ni mi tsalela nawu wolowo wa khale, lowu mi nga wu twa ku sukela ku sunguleni.+ Nawu wa kona wa khale i rito leli mi nga li twa.
8 Kambe ni mi tsalela nawu wa nyuwani, ku nga nawu lowu na yena a nga wu yingisa, lowu na n’wina mi wu yingisaka, hikusa munyama wa hundza naswona ntiyiso se wa voneka.+
9 Lweyi a vulaka swaku a le ka ku vonakala kambe a nyenya+ makwavu, wa ha li ka munyama.+
10 Lweyi a rhandzaka makwavu a ta tshama na a li ka ku vonakala+ naswona a ku na lexi nga ta mu phariheta.
11 Kambe lweyi a nyenyaka makwavu a le ka munyama, a famba ka munyama+ naswona a nga swi tivi swaku a ya kwini+ hikusa munyama wu mu dlaye matihlo.
12 Ni tsalela n’wina vana va ku rhandzeka, hikusa swidjoho swa n’wina swi rivaleliwe hi mhaka ya vito la yena.+
13 Ni tsalela n’wina vapapayi, hikusa se ma mu tiva lweyi a a li kona ku sukela ku sunguleni. Ni tsalela n’wina madjaha, hikusa mi mu hlulile Davulosi.*+ Ni tsalela n’wina vana va ku rhandzeka, hikusa se ma mu tiva Papayi.+
14 Ni tsalela n’wina vapapayi, hikusa se ma mu tiva lweyi a a li kona ku sukela ku sunguleni. Ni tsalela n’wina madjaha, hikusa mi ni matimba,+ ma li tshemba rito la Xikwembu+ naswona mi mu hlulile Davulosi.*+
15 Mi nga rhandzi misava kumbe swilo leswi nga misaveni.+ Munhu lweyi a rhandzaka misava, a nga mu rhandzi Papayi;+
16 hikusa hinkwaswu leswi nga misaveni—ku navela ka nyama,*+ ku navela ka matihlo+ ni ku gwira* hi leswi munhu a nga na swona*—a swi ti hi ka Papayi, kambe swi huma misaveni.
17 Naswona misava ya hundza ni ku navela ka yona,+ kambe lweyi a yendlaka ku rhandza ka Xikwembu a ta tshama hi masiku.+
18 Vana lava rhandzekaka, hi le ka masiku ya wugamu naswona hilani mi nga swi twa hi kona lweyi a lwaka na Kreste* wa ta,+ hambi swoswi ku ni va vanyingi lava lwaka na Kreste;*+ leswo swi hi komba swaku se i masiku ya wugamu.
19 Va humile ka hina, a va nga li va hina;+ hikusa loko a va li va hina, a va ta va na hina ni swoswi. Kambe va sukile ku kombisa swaku a hi vanhu hinkwavu lava va nga va hina.+
20 Kambe n’wina mi langiwe hi mukwetsimi+ naswona hinkwenu mi ni wutivi.
21 A ni mi tsaleli hileswi mi kalaka mi nga wu tivi ntiyiso,+ kambe hileswi mi wu tivaka, hikusa a ku na mavunhwa lama taka hi ka ntiyiso.+
22 Lweyi a vulaka swaku Yesu a hi Kreste i muhembi.+ Munhu yelweyo a lwa na Kreste;*+ a nga pfumeli ka Papayi ni ka N’wana.
23 Lweyi a yalaka N’wana a nga tsakeliwi hi Papayi,+ kambe lweyi a pfumelaka ka N’wana+ wa tsakeliwa hi Papayi.+
24 Se n’wina, tshamani ka leswi mi nga swi twa ku sunguleni.+ Loko mi tshama ka leswi mi nga swi twa ku sunguleni, mi ta famba ni N’wana mi tlhela mi famba na Papayi.
25 Phela a hi tshembise wutomi la ku kala li nga heli.+
26 Ni mi tsalela timhaka leti hikusa ku ni vanhu lava zamaka ku mi kanganyisa.
27 Xikwembu xi mi langile hi ku tirhisa moya wa xona wa ku kwetsima+ naswona wona wu tshama ka n’wina, kutani a mi lavi munhu swaku a mi djondzisa; kambe leswi mi nga langiwa hi moya wa xona wa ku kwetsima, hi wona wu mi djondzisaka timhaka hinkwatu;+ leswo i ntiyiso, a hi mavunhwa. Tamani mi famba na yena hilani a nga mi djondzisa hi kona.+
28 Vana va ku rhandzeka, tamani mi famba na yena, leswaku loko a humelela, hi ta swi kota ku vulavula na hi nga chavi nchumu,+ naswona hi nga dani nkama a nga ta vuya.
29 Loko mi swi tiva swaku a lulamile, mi ta swi tiva swaku lweyi a yendlaka swilo swaswinene i n’wana wa yena.+
Tinhlamunselu ta le hansi
^ Kumbe: “muvulavuleli”.
^ Hi Xigriki: “Lweyi wa ku biha.”
^ Hi Xigriki: “Lweyi wa ku biha.”
^ Kumbe: “ku tibyela hi tshomba”.
^ Kumbe: “tibuma”.
^ Kumbe: “muzimbha lowu nga ni xidjoho”.
^ Hi Xigriki: “Antikreste”. Vona Ntlhamuselo.
^ Hi Xigriki: “Antikreste.”
^ Hi Xigriki: “Antikreste.”
