Tikronika Ta Wumbirhi 8:1-18
8 A ku heleni ka 20 wa malembe lawa Solomoni a nga ma heta na a yaka yindlo ya Yehovha ni yindlo ya yena,*+
2 Solomoni a tlhela a yaka madoropa lawa Hirami+ a nga mu nyika wona a gama a veka Vayisrayele swaku va tshama ka wona.
3 Se Solomoni a ya lwa ni doropa la Amati-Zoba a gama a li teka.
4 Kutani a tlhela a yaka doropa la Tadimori amananga ni madoropa hinkwawu lawa a ku vekiwa minchumu ka wona+ lawa a a ma yakile aAmati.+
5 A tlhele a yaka doropa la Beti-Horoni wa le Henhla+ ni Beti-Horoni wa le Hansi,+ madoropa lawa ma nga ni mimuru ya ku tiya, tinyanghwa ni swa ku khiya hi swona
6 ni doropa la Balati+ ku patsa ni madoropa hinkwawu ya Solomoni lawa a ku vekiwa minchumu ka wona, madoropa hinkwawu lawa a ku vekiwa tinyolo,*+ madoropa ya lava a va fambisa makavhalu ni hinkwaswu leswi Solomoni a a lava ku swi yaka aYerusalema, aLebanoni ni ka tiko hinkwalu leli a a li fuma.
7 Kutani vanhu hinkwavu lava va nga sala ka Vaamori, Vaheti, Vaperezi, Vahivhi ni Vayebusi,+ lava a va nga li Vayisrayele,+
8 vatukulu va vona lava nga sala ka tiko la Israyele, lava Vayisrayele va kalaka va nga va helisanga,+ Solomoni a va yendle swikarawa swa yena anze namuntlha.+
9 Kambe Solomoni a nga va yendlanga swikarawa Vayisrayele ka ntirho wa yena,+ hikusa a va li masonchwa ya yena, lava a va rhangela varhangeli va yena va nyimpi, varhangeli va lava a va fambisa tinyolo ni lava a va fambisa makavhalu.+
10 A ku ni 250 wa vaadiminixtradori lava a va vonelela ntirho wa Solomoni, ku nga varhangeli lava a va vonelela vanhu.+
11 Solomoni a suse n’wana wa Faru wa ntombhi+ ka Doropa la Davhida a ya mu veka ka yindlo leyi a nga mu yakela yona,+ hikusa a a ku: “Hambileswi a nga nsati wa mina, a nga fanelanga a tshama ka yindlo ya Davhida hosi ya Israyele, hikusa tindhawu leti Areka ya Yehovha yi nga nghena ka tona ta kwetsima.”+
12 Se Solomoni a yendlela Yehovha magandzelo ya ku hisiwa+ ka altari+ ya Yehovha leyi a nga yi yaka phambheni ka vharanda.+
13 A a yendla leswo siku ni siku funtshi a yendle magandzelo hi ku ya hi leswi Moxe a nga hlaya swaku va fanele va swi yendla hi Tisavata,+ loko ku huma n’weti,+ ni hi nkama wa mafexta lawa a ma va kona kanharhu hi lembe+ ku nga, Fexta la Mapawu ya Ku Kala Fermentu,+ Fexta la Mavhiki+ ni Fexta la Minchacha.+
14 A tlhele a veka mintlawa ya vaprista+ swaku va vonelela mintirho leyi a yi yendliwa hi ku ya hi leswi Davhida papayi wa yena a nga swi hlaya, a veka Valevhi swaku va dzunisa+ Xikwembu ni ku tlhela va tirha phambheni ka vaprista siku ni siku, a tlhela a veka lava a va vonelela tinyanghwa hi ku ya hi mintlawa ya vona ka tinyanghwa ta ku hambanahambana,+ hikusa leswo hi leswi Davhida mutirheli wa Xikwembu xa ntiyiso a a swi hlayile.
15 Va yingise leswi hosi yi nga byela vaprista ni Valevhi ka timhaka hinkwatu ni ka timhaka leti a ti fambisana ni ndhawu leyi a va veka ka yona minchumu.
16 Ntirho wa Solomoni hinkwawu wu fambe kahle ku sukela siku leli va nga sungula ku yaka yindlo ya Yehovha+ anze siku leli va nga heta hi lona. Kutani va heta ku yaka yindlo ya Yehovha.+
17 Ku ve hi nkama wolowo Solomoni a nga ya Eziyoni-Yeberi+ ni Elati+ akusuhi ni lwandle ka tiko la Edomu.+
18 Hirami+ a rhumela maboti ni vatirhi va yena ku nga vavanuna lava swi tivaka kahle* ku fambisa maboti. Va fambe ni vatirhi va Solomoni va ya Ofiri+ va ya teka 15.390 wa makilu ya woru,*+ va ma yisa ka Hosi Solomoni.+
Tinhlamunselu ta le hansi
^ Kumbe: “yindlo ya wuhosi”.
^ Kumbe: “tin’qolo; makalichi”.
^ Kumbe: “lava nga ni ntokoto; xiperiyensa”.
^ Hi Xiheberu: “450 wa titalenta”. Vona Xiyengetelo B14.
