Eksoda 15:1-27
15 Hi nkama wolowo Moxe ni Vayisrayele va yimbelele lisimu leli ka Yehovha:+
“Ni yimbelelela Yehovha, hikusa a hlule hi ndlela ya ku hlamalisa.+
A dibe makavhalu ni vafambisi va wona ka lwandle.+
2 Yehovha* i ntamu wa mina ni matimba ya mina, hikusa hi yena a nga ni ponisa.+
Lexi i Xikwembu xa mina, ni ta xi dzunisa;+ i Xikwembu xa papayi wa mina,+ phela ni ta xi tlakusa.+
3 Yehovha i nhenha ya matimba.+ Yehovha i vito la yena.+
4 Tinyolo* ta Faru ni masonchwa ya yena ya nyimpi a swi txukumete lwandle,+Tinhenha ta yena ta xiyimu xa le henhla a ti mbombomete ka Lwandle la Ku Pshuka.+
5 Magandlati ma va mbhonyile; va mbombomelile ku fana ni ribye ka mati ya ku yenta.+
6 Yehovha Xikwembu xa mina, voko la wena la xinene li ni matimba ndjhani!+Yehovha, phela voko la wena la xinene li nga pfotlosa nala.
7 Lava lwaka na wena+ u nga va hahlula hi matimba ya wena yamakulu;Ku kwata ka wena ka pfurha, ku va hisa ku fana ni mabyanyi ya ku woma.*
8 Hi ku hefemula loku humaka hi ka tinhompfu ta wena, mati ma hlengeletiwile;Mati ma nyimile ma ku dzii, ma fana ni makhumbi;Magandlati ma nyime ma tiya xikarhi ka lwandle.
9 Nala a te: ‘Ni ta va hlongolisa! Ni ku va katla!
Ni ta teketela tshomba la vona ni za ni kolwa!
Ni ta humesa xipada xa mina! Ni va dlaya!’+
10 U fufute moya wa wena, se lwandle li va mbhonya;+Va mbombomele ku fana ni nsimbi ya ku tika ka mati ya manyingi.
11 Yehovha Xikwembu xa mina, i mani lweyi a fanaka na wena xikarhi ka swikwembu?+
I mani lweyi a fanaka na wena, lweyi a kwetsimaka swinene?+
Lweyi a faneleke a chaviwa hi tinsimu ta ku dzunisa, Lweyi a yendlaka minchumu ya ku hlamalisa.+
12 U tlakuse voko la wena la xinene naswona misava yi va mintile.+
13 Hi lirhandzu la wena u kongomise vanhu lava u nga va ponisa;*+Hi matimba ya wena u ta va kongomisa ka ndhawu ya wena ya ku kwetsima, lomu u tshamaka kona.
14 Vanhu va ta swi twa;+ va gama va rhurhumela;Lava tshamaka Filista va ta karhateka.*
15 Hi nkama wolowo a varhangeli va lixaka la Edomu va ta chava swinene,Se a tihosi ta matimba ta le Mowabu+ ti ta rhurhumela.
Ni vanhu hinkwavu lava tshamaka Kanana va ta hela ntamu.+
16 Va ta chava, va karhateka.+
Hi mhaka ya matimba yamakulu ya voko la wena va ta nyima va nga tsekatseki ku fana ni ribye,Anze vanhu va wena va hundza phambheni ka vona, wena Yehovha Xikwembu xa minaAnze vanhu lava u nga va kuma+ va hundza+ hi phambheni ka vona.
17 U ta va teka u ya va byala ka ntshava ya tshomba la wena,+Ndhawu leyi u nga tiyendlela swaku u tshama ka yona, wena Yehovha Xikwembu xa mina,Ndhawu leyi kwetsimaka leyi u nga yi yendla hi mavoko ya wena, Wena Yehovha.
18 Yehovha i hosi hi masiku ni masiku.+
19 Nkama makavhalu ya Faru, tinyolo ta yena ta nyimpi ni vafambisi va makavhalu va yena va nga ku swee alwandle,+Yehovha a game a yendla swaku mati ya lwandle ma va mbhonya,+Kambe Vayisrayele va fambe ka misava ya ku woma xikarhi ka lwandle.”+
20 Kutani Miriyamu muprofeta wa xisati, makwavu wa Aroni, a khoma xingomana, se vavasati hinkwavu na vona va mu landzela na va khome swingomana swa vona va tlhela va txina.
21 Miriyamu a hlamule vavanuna hi lisimu a ku:
“Yimbelelani Yehovha, hikusa a tlakusiwile hintamu.+
A kavhalu ni mufambisi wa lona a swi txukumete lwandle.”+
22 Se Moxe a gama a rhangela Vayisrayele va suka ka Lwandle la Ku Pshuka va ya mananga ya Xuri, va fambe masiku manharhu amananga, kambe a va zanga va kuma mati.
23 Nkama va nga fika Mara*+ va kume mati kambe a va gwentanga ku ma phuza hikusa a ma dzunga. Hi leswo swi nga yendla a chula ndhawu yoleyo a ku i Mara.
24 Kutani vanhu va sungula ku khala ka Moxe,+ va ku: “Kasi hi ta phuza yini ke?”
25 Se Moxe a kombela Yehovha+ swaku a mu pfuna, kutani Yehovha a gama a mu komba xinsinyani. Nkama a nga xi teka a xi peta ka mati, ma sungula ku tsokombela.
Hi lanu Xikwembu xi nga va nyika nawu ni xivangelo xa wuyavanyisi. Naswona Xikwembu xi tlhele xi va ringa.+
26 Xi ku: “Loko mo ni yingisa, mina Yehovha Xikwembu xa n’wina, mi ni yendlela swaswinene mi tlhela mi yingisa minawu ya mina ni hinkwaswu leswi ni mi byelaka swona,+ a ni nge tshuki ni mi tisela mavabyi lawa ni nga ba Vagibita hi wona,+ hikusa mina Yehovha ni ta mi hanyisa.”+
27 Va gama va fika Elimi, lani a ku ni 12 wa swihlovo swa mati ni 70 wa minsinya ya mintxindzu. Se va gwimba kolanu matende akusuhi ni mati.
Tinhlamunselu ta le hansi
^ Kumbe: “Yah”. Yah i magomiselo ya vito leli nge Yehovha.
^ Kumbe: “Tin’qolo; Makalichi”.
^ Kumbe: “mahlanga.”
^ Kumbe: “kutsula”.
^ Hi Xiheberu: “va twa ku vava ka ku psala.”
^ Leswi vulaka “Ku Dzunga; Ku Bava”.
