Hagayi 1:1-15
1 Hi lembe la wumbirhi la ku fuma ka Hosi Dariyosi, hi wheti ya wu 6, hi siku la ku sungula la wheti, rito la Yehovha li fikile ka govhernadori wa Yuda ku nga Zerubabele+ n’wana wa Salatiyele, ni ka muprista wamukulu ku nga Yoxuwa n’wana wa Yehozadaki, hi ku tirhisa muprofeta Hagayi,*+ li ku:
2 “Yehovha murhangeli wa tintsumi a li: ‘Vanhu lava va li: “Nkama wa kuva yindlo* ya Yehovha yi yakiwa* a wu se fika.”’”+
3 Yehovha a tlhela a vulavula hi ku tirhisa muprofeta Hagayi+ a ku:
4 “Indjhe lowu i nkama wa kuva mi tshama ka tiyindlo ta n’wina leti nga sasekiseliwa hi mapulangu ya ku saseka, kuve yindlo ya mina yi hohlokile* ke?+
5 Yehovha murhangeli wa tintsumi a li: ‘Pimisani kahle hi leswi mi swi yendlaka.
6 Mi byale mbewu ya yinyingi, kambe mi tshovela swaswitsongo.+ Ma dla kambe a mi xurhi. Ma nwa kambe a mi kolwi. Ma yambala, kambe a nga kona lweyi a kufumelaka. Lweyi a tirhaka a peta muholo wa yena ka saka la ku boxekela.’”
7 “Yehovha murhangeli wa tintsumi a li: ‘Pimisani kahle hi leswi mi swi yendlaka.’
8 “‘Fambani ka ntshava mi tisa timhandzi.+ Mi ni yakela yindlo swaku yi ta ni tsakisa,+ kutani ni dzunisiwa’,+ ku vula Yehovha.”
9 “‘A mi nyimele minchumu ya yinyingi, kambe mi kume minchumu yayitsongo; nkama mi nga swi tisa ka yindlo ya mina ni swi hangalasile hi moya.+ Hi mhaka muni?’ ku vula Yehovha murhangeli wa tintsumi. ‘Hikusa yindlo ya mina yi hohlokile, kuve mun’wani ni mun’wani wa n’wina wa rhendzelekela na a lunghisa yindlo ya yena.+
10 Hi mhaka ya leswo matilo a ma yi nisanga mberha* ni misava a yi wu humesanga ntshovelo wa yona.
11 Ni tame ni yendla swaku misava ni tintshava swi woma, swaku ku pfumaleka trigu,* vhinyu la nyuwani, mafurha ni leswi milaka ka misava. N’wina ni swifuyu swa n’wina ma hlupheka naswona mintirho ya n’wina hinkwayu a yi pfuni nchumu.’”
12 Zerubabele+ n’wana wa Salatiyele+ na muprista wamukulu ku nga Yoxuwa n’wana wa Yehozadaki,+ ni vanhu hinkwavu va yingise rito la Yehovha Xikwembu xa vona ni marito ya muprofeta Hagayi, hikusa a a rhumiwile hi Yehovha Xikwembu xa vona; vanhu va gama va sungula ku chava Yehovha.
13 Se Hagayi lweyi a nga rhumiwa hi Yehovha a byela vanhu mhaka leyi hi ku ya hi ntirho lowu Yehovha a nga mu nyika wona, a ku: “‘Ni na n’wina’,+ ku vula Yehovha.”
14 Kutani Yehovha a khumba mbilu+ ya govhernadori wa Yuda+ ku nga Zerubabele n’wana wa Salatiyele, ni ya muprista wamukulu ku nga Yoxuwa+ n’wana wa Yehozadaki, ni ya vanhu lavan’wani hinkwavu; se va ta, va sungula ku tirha ka yindlo ya Yehovha murhangeli wa tintsumi, Xikwembu xa vona.+
15 Leswi swi yendleke hi diya 24 ka wheti ya wu 6 hi lembe la wumbirhi la ku fuma ka Hosi Dariyosi.+
Tinhlamunselu ta le hansi
^ Leswi vulaka “Lweyi A Nga Psaliwa Ka Fexta”.
^ Kumbe: “tempele”.
^ Kumbe: “tlhela yi yakiwa”.
^ Kumbe: “i marhumbi”.
^ Kumbe: “mub’etho”.
^ Kumbe ku nga ha va ku vulavuliwa ni hi maxalani.
