Swivuriso 16:1-33
16 Munhu a rhanga hi ku pimisa kahle ka mbilu ya yena leswaku a vulavula,+Kambe nhlamulu yayinene yi huma ka Yehovha.
2 Tindlela hinkwatu ta munhu ti tikomba na ti lulamile* ka yena,+Kambe Yehovha hi yena a kambelaka maplanu* ya munhu.+
3 Tshemba Yehovha ka hinkwaswu leswi u swi yendlaka,*+Kutani maplanu ya wena ma ta famba kahle.
4 Yehovha a tirhisa swilo hinkwaswu swaku a yendla ku rhandza ka yena,Hambi lava yendlaka swa ku biha a va vekele siku la khombo.+
5 Mun’wani ni mun’wani lweyi a tibyelaka mbilwini ya yena wa nyenyentsa ka Yehovha.+
Tiyiseka swaku a nge tshikiwi a nga khatisiwi.
6 Xihoxo xa rivaleliwa hi mhaka ya lirhandzu ni ku tshembeka,+Munhu a tshika ku yendla swa ku biha hi mhaka ya ku chava Yehovha.+
7 Loko Yehovha a tsakisiwa hi tindlela ta munhu,A yendla swaku ni valala va yena va hanyisana hi ku rhula na yena.+
8 Swa yampsa ku va ni swaswitsongo kambe na u tshembeka+Ku tlula ku kuma muholo wa wunyingi kambe na u nga tshembeki.+
9 Munhu a nga ha pimisa mbilwini ya yena leswi a lavaka ku swi yendla,Kambe Yehovha hi yena lweyi a kongomisaka lomu a fambaka kona.+
10 Xiboho lexi taka hi ka Xikwembu xi fanele xi va ka nomo wa hosi;+Yi nga tshuki yi yavanyisa hi ndlela ya ku biha.+
11 Swa ku pima hi swona ni mabalansa ya ku tshembeka swi ta hi ka Yehovha;Hinkwaswu swa ku pima hi swona leswi nga ka nkwama swi yendliwe hi yena.+
12 Mahanyelo ya ku biha ma nyenyentsa tihosi,+Hikusa xitshamu xa wuhosi xi tiyisiwa hi ku lulama.+
13 Mavulavulelo yamanene ma tsakisa tihosi.
Ti rhandza munhu lweyi a vulavulaka ntiyiso.+
14 Ku kwata ka hosi ku fana ni lweyi a nga rhumiwa ku tisa lifu,+Kambe munhu wa ku tlhariha wa ku b’ohlisa.+
15 Loko hosi yi komba munhu timpsalu, munhu yelweyo a ta va ni wutomi la ku tsakisa;Timpsalu ta yona ti fana ni rhefu la mpfula hi nkama wa kona.+
16 Swa yampsa ku kuma wutlharhi ku tlula ku kuma woru!+
Ku fanele ku langiwa ku kuma ku twisisa ku tlula prata.+
17 Lava ku lulama a va fambi hi ndlela ya ku biha.
Lweyi a vhikelaka ndlela ya yena a ponisa wutomi la yena.+
18 Ku tibyela swi ni khombo,Lweyi a rhandzaka ku tibyela a ta wa.+
19 Swa yampsa ku tiveka hansi xikarhi ka vanhu va ku rhula+Ku tlula ku pambulelana leswi nga tekeliwa van’wani ni lava tibyelaka.
20 Lweyi a twisisaka mhaka swi ta mu fambela kahle,Naswona wa tsaka lweyi a tshembaka Yehovha.
21 Lweyi a nga ni mbilu ya ku tlhariha va ta vula swaku wa twisisa,+Lweyi a nga ni mavulavulelo yamanene* wa swi kota ku kholwisa van’wani.+
22 Ku twisisa i xihlovo xa wutomi ka lava nga na kona,Kambe swiphunta swi layiwa hi ku phunta ka swona.
23 Mbilu ya lweyi a nga tlhariha yi yendla swaku nomo wa yena wu va ni ku twisisa+Naswona yi yendla swaku leswi a swi vulaka swi kholwiwa.
24 Marito ya ku tsakisa ma fana ni wulombe,*Ma tsokombela ka munhu funtshi ma hanyisa marhambu.+
25 Ku ni ndlela leyi tikombaka ingaku yi lulamile ka munhu,Kambe magamu ka yona yi yisa ku feni.+
26 Ku lava swakudla swi yendla munhu a tirha hi matimbaHikusa a biwa hi ndlala.*+
27 Munhu wa ku kala a nga pfuni nchumu a txela swa ku biha;+Leswi a swi vulaka swi fana ni ndzilu lowu hisaka hintamu.+
28 Lweyi a vangaka swikarhatu a pfuxa ku holovisana+Lweyi a lumbetaka a hambanisa vanghanu vavakulu.+
29 Munhu wa tinyimpi a xengetela munhu mun’waniNaswona a mu yisa ka ndlela ya ku biha.
30 A tsopeta tihlo loko a pimisa ku vanga khombo.
A luma nomo wa yena loko a yendla swa ku biha.
31 Misisi ya ku basa i harhi* ya ku saseka*+Loko yi kumeka ka ndlela ya ku lulama.+
32 Lweyi a hlwelaka ku kwata+ wa yampsa ku tlula wanuna wa matimba,Ni lweyi a tikhomaka ku tlula lweyi a hlulaka doropa.+
33 Vanhu va yisa mhaka* ka YehovhaKutani yena a va byela xiboho xa yena.+
Tinhlamunselu ta le hansi
^ Hi Xiheberu: “tengile”.
^ Leswi yendlaka munhu a lava ku yendla xanchumu.
^ Hi Xiheberu: “Yandlala mintirho ya wena ka Yehovha”.
^ Kumbe: “mavulavulelo lama tsakisaka ma”.
^ Kumbe: “xihlenge xa wulombe”.
^ Hi Xiheberu: “nomo.”
^ Kumbe: “korowa”.
^ Kumbe: “dzuneka”.
^ Hi Xiheberu: “Vanhu va hoxa swiribyani”.
