Swivuriso 23:1-35
23 Loko u tshama hansi swaku u dla ni hosi,Swi txuvuke kahle leswi nga phambheni ka wena;
2 Tikhomi*Loko u swi navela ngopfu swakudla.
3 U nga swi naveli swakudla swa yona swa ku nandziha,Hikusa i swakudla swa ku kanganyisa.
4 U nga tikarhateli ku ganya.+
Nyima kutani u kombisa swaku wa twisisa.
5 Loko u ta txuvuka leswi u nga na swona, swi ta va swi nga ha li kona,+Hikusa swi ta humesa timpapa ku fana ni gama* swi haha swi ya henhla.+
6 U nga dli swakudla swa munhu wa ku tsonana;*U nga swi naveli swakudla swa yena swa ku nandziha,
7 Hikusa a fana ni munhu lweyi a kontelaka leswi a swi luzaka.
A li: “Dlana u tlhela u phuza,” kambe a nga swi vuli hi mbilu hinkwayu.*
8 Swakudla swaswitsongo leswi u nga swi dla u ta swi hlantaNaswona u ta va u mu khense mahala.
9 U nga vulavuli ni xiphunta,+Hikusa xi ta ma tekela hansi marito ya wena ya wutlharhi.+
10 U nga xi susi ximhandzani* xa khale swinene xa ku markara ndhawu+Kumbe u teka nsimu ya vana lava kalaka va nga na vapsali.
11 Hikusa Lweyi a va Lwelaka* a ni matimba;A ta va lwela, a kanetana na wena.+
12 Mbilu ya wena a yi yamukele ku layiwaNi ndleve ya wena a yi yingise marito ya wutivi.
13 U nga tshiki ku laya mufana.*+
A nga ta fa loko u mu ba hi nhonga.
14 U fanele u mu ba hi nhonga,Swaku u mu ponisa Sirheni.*
15 N’wananga, loko mbilu ya wena yi tlhariha,Mbilu ya mina yi ta tsaka.+
16 Ni ta tsaka*Loko nomo wa wena wu vulavula swa ku lulama.
17 Mbilu ya wena yi nga va naveli vadjohi,+Kambe chava Yehovha siku hinkwalu,+
18 Hikusa swi ta ku fambela kahle mundzuku ka siku+Ntshembo wa wena a wu nga ta helisiwa.
19 N’wananga, yingisa kutani u tlhariha,U fambisa mbilu ya wena ka ndlela yayinene.
20 U nga tshami xikarhi ka lava phuzaka ngopfu vhinyu,+Xikarhi ka lava va yi dlaka hintamu nyama,+
21 Hikusa xidakwa ni munhu wa ku dla ngopfu va ta va swisiwana,+Funtshi munhu wa ku rhandza ku yetlela a ta yambala swidzedzani.
22 Yingisa papayi wa wena lweyi a nga ku psala,Naswona u nga deleli mamani wa wena hileswi a nga guga.+
23 Xava* ntiyiso naswona u nga wu xavisi+Xava ni wutlharhi, ku layiwa ni ku twisisa.+
24 Papayi wa lweyi wa ku lulama a ta tsaka hikakunene;Lweyi a nga papayi wa n’wana wa ku tlhariha a ta tsaka hi yena.
25 Papayi wa wena ni mamani wa wena va ta tsaka,Ni wansati lweyi a nga ku psala* a ta tsaka swinene.
26 N’wananga, ni nyike mbilu ya wena,Matihlo ya wena a ma tsakele tindlela ta mina.+
27 Hikusa nghwavani i xikhele xa ku yenta,Ni wansati lweyi a nga ni mahanyelo ya ku biha* i xihlovo xa ku lala.+
28 A tshama na a tumbelile ku fana ni xigevenga;+A yengetela numeru ya vavanuna va ku kala va nga tshembeki.
29 I vamani lava nga ni khombo? I vamani lava karhatekaka?
I vamani lava nga ni timholovo? I vamani lava vilelaka?
I vamani lava nga ni swilondza na ku nga na xivangelo? I vamani lava kalaka va nga voni kahle?
30 Hi lava hetaka nkama wa wunyingi na va phuza vhinyu;+Lava lavetelaka* vhinyu leli nga patsiwa ni swin’wani.
31 U nga li txuvuki vhinyu la ku pshukaLoko li phatima ka kopo na li yehla,
32 Hikusa hi wugamu li luma ku fana ni nyoka,Funtshi li humesa vhenenu ku fana ni nyoka.*
33 Matihlo ya wena ma ta vona minchumu ya ku kala yi nga tolovelekanga,Naswona mbilu ya wena yi ta vulavula swa ku huma ndleleni.+
34 Kutani u ta fana ni munhu lweyi a nga yetlela xikarhi ka lwandle,Ku fana ni munhu lweyi a nga yetlela henhla ka mhandzi ya maseyila* ya boti.
35 U ta ku: “Va ni bile kambe a ni twanga nchumu.*
Va ni bile kambe a na ha swi khumbuki.
Kasi ni ta pfuka nkama muni?+
Ni lava kopo yin’wani.”
Tinhlamunselu ta le hansi
^ Hi Xiheberu: “Veka xikhwa ka nkolo wa wena”.
^ Ku nga muxaka wa xinyanyani.
^ Kumbe: “lweyi a nga ni tihlo la ku biha.”
^ Hi Xiheberu: “mbilu ya yena a yi kona ka wena.”
^ Kumbe: “xikhonkhwana”.
^ Hi Xiheberu: “Mukutsuli”.
^ Kumbe: “n’wana; jovhem.”
^ Kumbe: “aSheol.” Vona Ntlhamuselo.
^ Hi Xiheberu: “Tiyinso ta mina ti ta tsaka”.
^ Kumbe: “Kuma”.
^ Kumbe: “veleka”.
^ Vona Swivuriso 2:16.
^ Kumbe: “Lava hlengeletanaka swaku va ringa”.
^ Kumbe: “mhiri.”
^ I tipanu leti gwimbiwaka ka boti swaku li ta kota ku famba loko ku ba moya.
^ Kumbe: “a ni twanga ku vava.”
