Swivuriso 9:1-18
9 Wutlharhi la ntiyiso li yake yindlo ya lona;Li yendle 7 wa mapilari ya lona.
2 Li lulamisele nyama ya yinyingi;Li lulamisela* vhinyu ya lona;Li tlhela li phamela swakudla ka meza wa lona.
3 Li rhumele vatirhi va lona va xisatiSwaku va huwelela na va li henhla ka doropa va ku:+
4 “Lweyi a kalaka a nga na xiperiyensa,* a a ti halenu.”
Li byela lweyi a kalaka a nga tlharihanga li ku:
5 “Tani u ta dla pawu la minaU phuza ni vhinyu leli ni nga li lulamisa.*
6 Tshika ku va xiphunta* kutani u hanya;+Famba hi ndlela ya ku twisisa.”+
7 Lweyi a layaka lweyi a poyilanaka a tilavela tingana hi yexe,+Naswona lweyi a layaka munhu lweyi a yendlaka swa ku biha o tivavisa hi yexe.
8 U nga mu layi munhu wa ku poyilana hikusa a ta ku nyenya.+
Laya munhu wa ku tlhariha a ta ku rhandza.+
9 Djondzisa munhu wa ku tlhariha, a ta ya a tlhariha hintamu.+
Djondzisa munhu wa ku lulama, kutani a ta yengetela wutivi la yena.
10 Ku chava Yehovha i masungulo ya wutlharhi,+Naswona ku tiva Lweyi Wa Ku Kwetsima Hintamu+ i ku twisisa.
11 Hikusa masiku ya wena ma ta va manyingi hi mhaka ya wutlharhi,+Funtshi u ta yengeteliwa malembe ya ku hanya.
12 Loko u tlhariha, swi ta pfuna wena,Kambe loko u poyilana, u ta tshovela mihandzu ya kona na u li wexe.
13 Wansati wa xiphunta a ni guwa.+
A nga na mhaka ni nchumu funtshi a nga tivi nchumu.
14 A tshama ka nyanghwa wa yindlo ya yenaKa xitulu lexi nga ka ndhawu ya ku tlakuka ya doropa,+
15 A huwelela a vitana lava hundzaka hi ndlela,Lava tifambelaka a ku:
16 “Lweyi a kalaka a nga na xiperiyensa,* a a ti halenu.”
A byela lava kalaka va nga tlharihanga a ku:+
17 “Mati ya ku yiviwa ma tsokombela,Ni swakudla swa ku swi dla hi ku yiva swa nandziha.”+
18 Kambe a va swi tivi swaku yindlo ya yena yi tale hi vafi,Ni swaku vapfhumba va yena va le Sirheni.*+
Tinhlamunselu ta le hansi
^ Kumbe: “pfanganisela”.
^ Kumbe: “ntokoto”.
^ Kumbe: “pfanganisa.”
^ Kumbe: “Tshika lava kalaka va nga na ntokoto”.
^ Kumbe: “ntokoto”.
^ Kumbe: “Sheol.” Vona Ntlhamuselo.
