Vagalatiya 4:1-31
4 Loko mudli wa tshomba a ha li xin’wanani a nga hambani ni xikarawa, hambileswi a nga hosi ya minchumu hinkwayu,
2 hikusa ku ni vanhu lava mu hlayisaka va tlhela va hlayisa munti wa yena anze ku fika siku leli nga vekiwa hi papayi wa yena.
3 Hi ku fana, na hina nkama a hi li vana, a hi li swikarawa swa mimpimiso ni mahanyelo ya misava leyi.+
4 Kambe loko nkama lowu nga vekiwa wu fika, Xikwembu xi rhume N’wana wa xona, lweyi a nga psaliwa* hi wansati+ a tlhela a hanya hi ku landza nawu,+
5 leswaku a chunsa lava hanyaka hi ku landza nawu+ hi ku va xava, leswaku hi va vana va Xikwembu.+
6 Se leswi mi nga vana va Xikwembu, xi rhumele moya wa ku kwetsima+ ka timbilu ta hina+ lowu ni N’wana wa xona a nga na wona naswona wa huwelela wu ku: “Abba,* Papayi!”+
7 Kutani a wa ha li xikarawa kambe u n’wana wa Xikwembu; naswona loko u li n’wana wa Xikwembu xi ta tlhela xi ku nyika tshomba.+
8 Nkama a mi nge se xi tiva Xikwembu, a mi li swikarawa swa swikwembu swa mavunhwa.
9 Kambe leswi se mi xi tivaka Xikwembu, kumbe leswi se mi tiviwaka hi xona, hi mhaka muni mi lava ku tlhelela ka minchumu ya misava leyi,+ ya ku kala yi nga pfuni nchumu?+
10 Mi tikarhata hintamu hi ku hlonipha masiku, tiwheti,+ minkama ni malembe.
11 Ma ni chavisa, swi tikomba ingaku ni tirhe mahala xikarhi ka n’wina.
12 Vamakwerhu, ni mi kombela swaku mi fana na mina, hikusa na mina ni tshame ni fana na n’wina.+ A mi ni wonhelanga nchumu.
13 Kambe ma swi tiva swaku ni ze ni mi chumayela mahungu ya ku tsakisa hi khambi la ku sungula hi mhaka ya ku vabya ka mina.
14 Naswona hambileswi ku vabya ka mina a ku li ndzingo ka n’wina, a mi ni poyilanga kumbe ku ni nyenya;* kambe mi ni yamukelile ku fana ni ntsumi ya Xikwembu, ku fana na Kreste Yesu.
15 Se ku yo humelela yini hikusa khale a mi tshama na mi tsakile? Hikusa na tiyiseka swaku loko a swo koteka, a mi ta va mi xokole ni matihlo ya n’wina mi ni nyika wona.+
16 Se swoswi ni nala wa n’wina hileswi ni mi byelaka ntiyiso?
17 Va hiseka leswaku mi ta va seketela, kambe a va swi yendli hi ku lava swaswinene; vo lava ku mi hambanisa na mina swaku mi ta va landzela mi va tirhela.
18 I swinene minkama hinkwayu swaku munhu a mi hisekela hi ku lava swaswinene, kambe a nga yendli leswo ntsena loko ni li xikarhi ka n’wina.
19 Vana va mina,+ ku fana ni mamani lweyi a lun’waka, ni twa ku vava hi mhaka ya n’wina. Naswona ku vava loku a ku nga ta hela loko mi nga se kombisa wumunhu la Kreste.
20 A ni navela ku va na n’wina swoswi ni ku vulavula hi ndlela yayinene, hikusa ni karhateka hintamu hi n’wina.
21 Ni byeleni n’wina mi lavaka ku yingisa nawu; a mi swi tivi swaku Nawu wu li yini ke?
22 Hi xikombiso, ku tsaliwile leswaku Abrahamu a a ni madjaha mambirhi, lin’we li psaliwe hi wansati lweyi a a li xitirhi+ kasi lelin’wani li psaliwe hi wansati lweyi a a chunsekile;+
23 kambe djaha la wansati lweyi wa xitirhi li psaliwe ku fana ni vanhu hinkwavu,+ kasi a la wansati lweyi a nga chunseka li psaliwe hi ku landza xitshembiso.+
24 A mhaka leyi yo fanekisela. Vavasati lava, va fanekisela mintwananu yimbirhi, wun’we wu yendliwe ka Ntshava ya Sinayi.+ Hinkwavu lava nga hansi ka ntwananu lowu i swikarawa naswona wu fanekisela Agara.
25 Kutani Agara a fanekisela Sinayi,+ ntshava ya le Arabiya naswona a fanekisela Yerusalema wa namuntlha hikusa a le wukaraweni ni vana va yena.
26 Kambe Yerusalema wa le tilweni a chunsekile naswona i mamani wa hina.
27 Hikusa ku tsaliwe leswi: “Tsaka wena wansati wa ku kala u nga psali; bana nkulungwani wena wansati lweyi a kalaka a nga lun’wi loko a psala; hikusa i vanyingi vana va wansati lweyi a nga tshikiwa ku tlula va lweyi a nga ni nuna.”+
28 Se n’wina vamakwerhu, mi vana va xitshembiso ku fana na Izaki.+
29 Kambe ku fana ni leswi lweyi a nga psaliwa ku fana ni vanhu hinkwavu a nga sungula ku hlupha lweyi a nga psaliwa hi matimba ya moya wa ku kwetsima,+ swi tshamise swoleswo ni namuntlha.+
30 Kasi tsalwa li li yini ke? Li li: “Hlongola xitirhi lexi xa xisati ni n’wana wa xona, hikusa n’wana wa xitirhi lexi a nge tshuki a dla tshomba ni n’wana wa wansati lweyi a nga chunseka.”+
31 Se vamakwerhu, hina a hi vana va xitirhi kambe hi vana va wansati lweyi a nga chunseka.
Tinhlamunselu ta le hansi
^ Kumbe: “velekiwa”.
^ I rito la Xiheberu kumbe la Xiaramu leli vulaka swaku “Papayi!”
^ Kumbe: “pshitela marhi.”
