Yeremiya 15:1-21
15 Yehovha a ni byela a ku: “Hambiloko Moxe na Samuwele a va yo nyima phambheni ka mina,+ vanhu lava a ni nga ta va tsetselela. Va hlongole phambheni ka mina. A va suke.
2 Loko va ku vutisa va ku: ‘Hi fanele hi ya kwini?’ u fanele u va hlamula u ku: ‘Yehovha a li:
“Lweyi a faneliwaka hi mavabyi lama dlayaka, a ma mu dlaye!
Lweyi a faneliwaka hi xipada, a a dlayiwi hi xipada!+
Lweyi a faneliwaka hi ndlala, a a dlayiwi hi ndlala!
Kasi lweyi a faneliwaka hi wukarawa, a a ye wukaraweni!”’+
3 “‘Kutani ni ta rhumela 4* wa makhombo+ swaku ma va wela, xipada swaku xi va dlaya, timbyana swaku ti va kokakoka, swinyanyani ni swiharhi swaku swi va dla swi tlhela swi va helisa,’ ku vula Yehovha.+
4 ‘Ni ta yendla swaku mimfumu hinkwayu ya misava yi chava+ hi mhaka ya leswi nga ta va humelela hi mhaka ya leswi Manasi n’wana wa Hezekiya, hosi ya Yuda, a nga swi yendla aYerusalema.+
5 I mani lweyi a nga ta ku twela wusiwana, wena Yerusalema,I mani lweyi a nga ta rila na wena,I mani lweyi a nga ta nyima a ku pfuxela?’
6 ‘U ni tshikile,’ ku vula Yehovha.+
‘U tshamela ku fambela kule* na mina.+
Kutani ni ta tlakusa voko la mina ni lwa na wena ni ku helisa.+
Ni karhele hi ku ku twela wusiwana.*
7 Kutani ni ta va hambanisa hi garfu ka tinyanghwa ta tiko.
Ni ta yendla swaku va sala na va nga na vana.+
Ni ta va helisa vanhu va mina,Hileswi va yalaka ku tshika tindlela ta vona.+
8 Ni ta yendla swaku vavasati lava nga feliwa hi vavanuna va va vanyingi swinene ku tlula misava ya malwandle.
Ni ta tisa munhu swaku a ta va dlaya ninhlikanhi, a ta dlaya vamamani ni madjaha.
Ni ta va tisela ku karhateka ni ku chava kakukulu na va nga swi nyimelanga.
9 Wansati lweyi a nga psala* 7 wa vana a titivalile;A heleliwe hi moya.
Dlambu li mu pelelile na ka ha li nhlikanhi,Li yendla swaku a daniseka a tlhela a vekiwa hansi.’*
‘Vavatsongo lava nga salaNi ta va nyiketa ka valala va vona swaku va va dlaya hi xipada,’ ku vula Yehovha.”+
10 Mamani, khombo ka mina hileswi u nga ni psala,+Ni munhu lweyi a holovaka ni ku lwa ni tiko hinkwalu.
A ni lombisanga nchumu funtshi a ni lombiwanga nchumu;Kambe hinkwavu ka vona va ni rhuka.
11 Yehovha a te: “Tiyiseka swaku ni ta ku pfuna;Hikakunene ni ta ku lamulela ka nala wa wenaHi nkama wa khombo ni hi nkama wa mahlomulu.
12 Indjhe munhu a nga yi tshovelela nsimbi,Nsimbi ya le norte* ni kobre?
13 Tshomba la wena ni xuma xa wena ni ta swi nyikela swaku swi tekiwa,+Swi ta tekiwa mahala hi mhaka ya swidjoho swa wena hinkwaswu leswi u nga swi yendla ka tindhawu ta wena hinkwatu.
14 Ni ta swi nyika valala va wenaSwaku va swi teka va swi yisa ka tiko leli u kalaka u nga li tivi.+
Hikusa ku kwata ka mina ku tlhavike ndzilu,Lowu pfurhelaka n’wina.”+
15 Yehovha Xikwembu xa mina hi wena u tivaka hinkwaswu,Ni khumbuke u pimisa hi mina.
Ni hakeliseli ka lava ni xanisaka.+
U nga va lehiseli mbilu kutani u ni tshika ni helisiwa.
Swi tive swaku na rhuketeliwa hi mhaka ya wena.+
16 Ni kume marito ya wena, se ni ma dla;+Rito la wena li yendle mbilu ya mina yi tsaka ngopfu,Hikusa ni vitaniwe hi vito la wena, Yehovha murhangeli wa tintsumi.
17 A ni tshami ni vanhu lava yendlaka mafenya* kutani ni tsaka na vona.+
Leswi voko la wena li nga henhla ka mina, ni tshama na ni li noxe,Hikusa u ni tate hi ku kwata.*+
18 Hi mhaka muni ku vava ka mina ku nga heli ni xilondza xa mina xi nga daheki?
Xa yala ku hola.
Indjhe ka mina u ta fana ni xihlovo xa mati lexi kalaka xi nga na matiLexi nga ta kala xi nga tshembiwi?
19 Kutani Yehovha a li:
“Loko u tlhelela ka mina, ni ta tlhela ni ku yamukela,U ta nyima phambheni ka mina.
Loko u hambanisa swilo swa lisima ka leswi kalaka swi nga pfuni nchumu,U ta va muvulavuleli wa mina.*
Va ta boheka ku ta ka wena,Kambe wena a wu nga ta ya ka vona.”
20 “Ni ta yendla swaku u va muru wa ku tiya wa kobre ka vanhu lava.+
Va ta lwa na wena,Kambe a va nga ta ku hlula,+Hikusa ni na wena swaku ni ku ponisa ni tlhela ni ku chunsa,” ku vula Yehovha.
21 “Ni ta ku ponisa ka mavoko ya lava yendlaka swa ku biha,Ni ku chunsa ka mavoko ya lava nga ni mona.”
Tinhlamunselu ta le hansi
^ Kumbexana: “4 wa mixaka ya ku yavanyisa”. Hi Xiheberu: “4 wa mindjangu”.
^ Kumbexana: “U tshamela ku famba u tlhelela ndzhaku”.
^ Kumbe: “ku tisola.”
^ Kumbexana: “A danisiwile a titwa na a nga pfuni nchumu.”
^ Kumbe: “veleka”.
^ Kumbe: “n’walungu”.
^ Kumbe: “mapiyada”.
^ Kumbe: “hi rungula la ku yavanyisa.”
^ Kumbe: “U ta fana ni nomo wa mina.”
