Yeremiya 31:1-40
31 “Hi nkama wolowo,” ku vula Yehovha, “ni ta va Xikwembu ka mindjangu hinkwayu ya Israyele, kutani yona yi ta va vanhu va mina.”+
2 Yehovha a li:
“Vanhu lava nga pona ku dlayiwa hi xipada va kombiwe timpsalu amanangaNkama Israyele a a ya ka ndhawu ya yena ya ku humula ka yona.”
3 Yehovha a humelele ka mina na a li kule a ku:
“Ni ku rhandze hi lirhandzu la ku kala li nga heli.
Hi leswo swi nga yendla swaku ni ku koka ka mina hi lirhandzu.*+
4 Ni ta tlhela ni ku yaka naswona u ta tlhela u yakiwa.+
Wena Israyele,* u ta tlhela u teka swingomana swa wenaU huma na u txina hi ku tsaka.*+
5 U ta tlhela u rima masimu ya mawuvha ka tintshava ta Samariya;+Vabyali va ta byala va tlhela va tikhorisa hi mihandzu ya kona.+
6 Hikusa siku la ta leli vagwardu lava nga tintshaveni ta Efrayimi va nga ta huwelela va ku:
‘Pfukani, a hi khupukeni hi ya Siyoni ka Yehovha Xikwembu xa hina.’”+
7 Hikusa Yehovha a li:
“Yimbelelelani Yakobe hi ku tsaka.
Huwelelani hi ku tsaka hi mhaka ya leswi mi fumaka matiko.+
Swi vuleni, mi dzunisa mi ku:‘Yehovha Xikwembu xa hina, ponisa vanhu va wena lava nga sala va Israyele.’+
8 Na va vuyisa va suka ka tiko la le norte.*+
Ni ta va hlengeleta ku sukela ka tindhawu ta le kule swinene ta misava.+
Xikarhi ka vona ku ta va ni lweyi a kalaka a nga voni ni lweyi a khwitaka,+Wansati lweyi a nga ni nyimba ni lweyi a lavaka ku psala,* hinkwavu va ta va va li xikan’we.
Va ta vuya na va li ntlawa wawukulu.+
9 Va ta ta na va rila.+
Ni ta va rhangela loko va kombela ku kombiwa timpsalu.
Ni ta va kongomisa ka swinambyani swa mati,+Ka ndlela leyi va nga ta kala va nga tigumuli.
Hikusa ni Papayi ka Israyele kasi Efrayimi i matevula ya mina.”+
10 Twanani rito la Yehovha n’wina matiko,Mi li vula xikarhi ka swihlala* leswi nga kule mi ku:+
“Lweyi a nga hangalasa Israyele a ta tlhela a mu hlengeleta.
A ta mu vonelela ku fana ni mulusi lweyi a vonelelaka ntlhambi wa yena.+
11 Hikusa Yehovha a ta ponisa Yakobe+A mu chunsa ka lweyi a nga ni matimba ya ku mu tlula.+
12 Va ta ta ka ntshava ya Siyoni na va huwelela hi ku tsaka+Va ta phatima hi mhaka ya wunene la* Yehovha,Hi mhaka ya swakudla ni vhinyu la nyuwani+ ni mafurhaNi hi mhaka swifuyu swaswitsongo swa ntlhambi wa tinyempfu ni tihomu.+
Va ta fana ni jardim leli regariwaka kahle,+A va nge he tlheli va hela matimba.”+
13 “Hi nkama wolowo ntombhi yi ta txina hi ku tsaka hintamu,Ku patsa ni madjaha ni lava nga guga.+
Ni ta txintxa ku rila ka vona ku va ku tsaka.+
Ni ta va tiyisa ni va yendla va tsaka va nga ha xukuvali.+
14 Vaprista ni ta va nyika swakudla swa swinyingi,Vanhu va mina va ta xurha hi swilo swaswinene leswi ni nga ta va nyika swona,”+ ku vula Yehovha.
15 “Yehovha a li:
‘Ku twakala rito la nkosi ni xirilo xaxikulu aRama:+
Rakel a rilela vana va yena.+
A nga pfumeli ku singathiwa hi mhaka ya vana va yena,Hikusa a va ha li kona.’”+
16 Yehovha a li:
“‘Tshika ku rila ni ku humesa mihloti,Hikusa u ta hakeliwa hi mhaka ya ntirho wa wena,’ ku vula Yehovha.
‘Va ta vuya va huma ka tiko la nala.’+
17 ‘Ku ni ntshembo wa leswaku swi ta ku fambela kahle ka nkama lowu taka,’+ ku vula Yehovha.
‘Vana va wena va ta tlhelela ka ndhawu ya vona.’”+
18 “Phela ni twe Efrayimi na a konya a ku:‘U ni lulamisile naswona ni lulamisekile,Ku fana ni xihon’wani lexi kalaka xi nga djondzisiwanga.
Ni tlhelise, ni ta tlhela,Hikusa wena Yehovha u Xikwembu xa mina.
19 Loko se ni txintxile mintirho ya mina ya ku biha, ni tisolile;+Se nkama u nga ni laya ni game ni tiba nenge na ni karhatekile.
A ni danile ni tlhela ni titwa na ni xixiwile,+Hi mhaka ya swilo leswi ni nga swi yendla na na ha li jovhem.’”
20 “Kasi Efrayimi a hi n’wana wa lisima lweyi a rhandzekaka ka mina?+
Hikusa hambiloko ni tshamela ku mu laya a ni mu khohlwi.
Hi leswo swi yendlaka ni twa ku vava hi mhaka ya yena.+
Phela ni ta mu twela wusiwana,” ku vula Yehovha.+
21 “Tivekeli swa ku markara ndlela,U veka swa ku kombisa ndlela.+
Yi txuvuki kahle ndlela yayikulu, ndlela leyi u faneleke u famba hi yona.+
Tlhela wena Israyele,* tlhelela ka madoropa ya wena.
22 Kasi u ta kanakana anze siku muni, wena ntombhi leyi kalaka yi nga tshembeki?
Hikusa Yehovha a tumbuluxe nchumu xa nyuwani amisaveni:
Wansati a ta mu lavetela hintamu wanuna.”
23 Yehovha murhangeli wa tintsumi, Xikwembu xa Israyele a li: “Va ta tlhela va vula marito lawa ka tiko la Yuda ni ka madoropa ya kona, nkama ni nga ta hlengeleta swikarawa swa vona, va ku: ‘Yehovha a a ku katekisi, wena ndhawu ya ku tshama ka yona ya ku lulama,+ wena ntshava ya ku kwetsima.’+
24 Le Yuda ni ka madoropa ya kona hinkwawu ku ta tshama vanhu, varimi ni valusi va mintlhambi.+
25 Hikusa lweyi a nga karhala ni ta mu tiyisa ni lweyi a twaka ndlala ni ta mu xurhisa.”+
26 Kutani ni pfuka ni pfula matihlo naswona a ni yetlele wurhongo la ku nandziha.
27 “Phela masiku ma ta,” ku vula Yehovha, “lawa ni nga ta yendla swaku vanhu va tiko la Israyele ni va tiko la Yuda va va vanyingi swinene. Ni ta tlhela ni yendla swaku ni swifuyu swa vona swi va swinyingi hintamu.”+
28 “Ku fana ni leswi ni nga va vonelela swaku ni va tsuvula, ni va hohlota, ni va diliza, ni va helisa ni ku va wonhetela,+ ni ta tlhela ni va vonelela swaku ni va yaka ni ku va byala,”+ ku vula Yehovha.
29 “Ka masiku wolawo a va nge he vuli va ku: ‘Vapapayi va hina va dle mawuvha ya ku dzunga, kambe ku rhurhumele matinyu ya vana.’+
30 Kambe munhu mun’wani ni mun’wani a ta fela ka xihoxo xa yena. Munhu mun’wani ni mun’wani lweyi a dlaka mawuvha ya ku dzunga* ku ta rhurhumela matinyu ya yena.”
31 “Vonani! Masiku ma ta,” ku vula Yehovha, “lawa ni nga ta yendla ntwananu wa nyuwani ni vanhu va Israyele xikan’we ni vanhu va Yuda.+
32 A wu nga ta fana ni ntwananu lowu ni nga wu yendla ni vavhovho va vona siku ni nga va khoma hi voko ni va humesa ka tiko la Gibita,+ ‘ntwananu wa mina lowu va nga wu tlula,+ hambileswi a ni li n’winyi wa vona wa ntiyiso,’* ku vula Yehovha.”
33 “Hikusa lowu i ntwananu lowu ni nga ta wu yendla ni vanhu va Israyele loko masiku wolawo ma hundzile,” ku vula Yehovha. “Ni ta nghenisa nawu wa mina ndzeni ka vona+ naswona ni ta wu tsala ka timbilu ta vona.+ Ni ta va Xikwembu xa vona naswona vona va ta va vanhu va mina.”+
34 “A ku na munhu xikarhi ka vona lweyi a nga ta djondzisa vhizinyu wa yena ni makwavu a ku: ‘Tiva Yehovha!’+ Hikusa hinkwavu va ta ni tiva, ku sukela ka wamutsongo ku ya ka wamukulu,”+ ku vula Yehovha. “Ni ta va rivalela xihoxo xa vona naswona a ni nge he xi khumbuki xidjoho xa vona.”+
35 Yehovha lweyi a nga yendla dlambu swaku li voninga ninhlikanhi,Ni lweyi a nga yendla minawu ya n’weti ni tinyeleti swaku ti voninga niwusiku,Lweyi a dungaka lwandle ni ku yendla swaku magandlati ya lona ma vanga guwa,Lweyi vito la yena a nga Yehovha murhangeli wa tintsumi+ a li:
36 “‘Loko minawu leyi yo kala yi nga ha li kona,’ ku vula Yehovha,‘Hi kona vana va Israyele va nga ta kala va nga ha li tiko phambheni ka mina nkama hinkwawu.’”+
37 Yehovha a li: “‘Loko a swo koteka swaku matilo ma pimiwa ni masungulo ya misava ma kambeliwa kahle, hi kona a ni ta tshika vana hinkwavu va Israyele hi mhaka ya swilo hinkwaswu leswi va nga swi yendla,’ ku vula Yehovha.”+
38 “Phela masiku ma ta,” ku vula Yehovha, “lani doropa li nga ta yakeliwa+ Yehovha ku sukela ka Prediyu* la Ananel+ ku ya fika ka Nyanghwa wa le ka Ponta.+
39 Goda la ku pima+ li ta kokiwa li kongoma ka ganga la Garebi funtshi li ta djika li kongoma ka tlhelo la le Gowa.
40 Ndhawu hinkwayu ya nkova wa mintsumbu ni wa nkuma* ni masimu hinkwawu ku ya fika ka Nkova wa Kedroni,+ ni ku ya fika ka ponta ya Nyanghwa wa Makavhalu+ ka tlhelo la le wuxeni swi ta va nchumu xa ku kwetsima ka Yehovha.+ A swi nge he tlheli swi tsuvuliwa kumbe ku diliziwa.”
Tinhlamunselu ta le hansi
^ Kumbe: “ni tama ni ku komba lirhandzu.”
^ Hi Xiheberu: “Ntombhi ya Israyele”.
^ Kumbe: “U huma u ya txina ni lava hlekaka.”
^ Kumbe: “veleka”.
^ Kumbe: “n’walungu.”
^ Ku nga ma ilhas.
^ Kumbe: “swilo swaswinene leswi taka hi ka”.
^ Hi Xiheberu: “Ntombhi ya Israyele”.
^ Kumbe: “tsatsavela”.
^ Kumbexana: “nuna wa vona”.
^ Kumbe: “Xihondzo; Xitezi”.
^ Kumbe: “nkuma wa mafurha”. Ku nga nkuma lowu nga ni mafurha ya magandzelo.
