Yeremiya 47:1-7
-
Wuprofeta leli vulavulaka hi Vafilista (1-7)
47 Lawa i marito lawa Yehovha a nga ma byela muprofeta Yeremiya lama vulavulaka hi Vafilista,+ na Faru a nge se hlula Gaza.
2 Yehovha a li:
“Waswivo! Mati ma ta ta hi norte.*
Ma ta va nambu wa ku tala hi mati.
Ma ta kukula tiko ni hinkwaswu leswi nga ka lona,Doropa ni lava tshamaka ka lona.
Vanhu va ta huwelela,Hinkwavu lava tshamaka tikweni va ta rila.
3 Loko ku twala guwa la swigingi swa makavhalu ya yena,Ni guwa la tinyolo* ta yena ta nyimpiNi guwa la maroda ya yena,Vapapayi va ta baleka,Hikusa a va nga ta swi kota ku tiya va vhikela vana va vona,
4 Hikusa siku la ta leli ku nga ta helisiwa Vafilista hinkwavu;+Hinkwavu lava tirhisanaka na vona aTiru+ ni le Sidoni+ va ta helisiwa.
Hikusa Yehovha a ta helisa Vafilista,Lava nga sala ka xihlala* xa Kafitori.*+
5 Ku ta va ni mpandlha* aGaza.
Axikeloni a miyetiwile.+
N’wina lava nga sala ka ndhawu ya le hansi ya ku kala yi nga na maganga,Kasi mi ta tshamela ku titsemelela anze siku muni?+
6 Wena xipada xa Yehovha!+
Kasi u ta tshama u nga miyeli ku fikela siku muni?
Tlhelela ka ndhawu ya wena.
Humula u miyela u ku whii.
7 Xipada xi nga miyelisa ku yiniKuve xi rhumiwe hi Yehovha?
A xi rhumileSwaku xi ya lwa ni lava nga Axikeloni ni lava nga tlhelweni ka lwandle.”+
Tinhlamunselu ta le hansi
^ Kumbe: “n’walungu.”
^ Kumbe: “tin’qolo; makalichi”.
^ Ku nga ilha.
^ Ku nga Kreta.
^ Swi vula swaku va ta tsemeta misisi ya vona hi mhaka ya ku rila ni ku dana.
