Yobo 38:1-41
38 Se Yehovha a hlamula Yobo na a li ka xidzedze,+ a ku:
2 “I mani lweyi, lweyi a solasolaka swiboho swa mina?Lweyi a vulavulaka swilo swa ku kala a nga swi tivi?+
3 Ni kombela u lungheka ku fana ni wanuna;Ni ta ku vutisa, wena u ni hlamula.
4 A wu li kwini nkama ni nga yendla misava?+
Loko u swi tiva, ni byeli.
5 Loko u swi tiva, hlaya, yi pimiwe hi mani?Kumbe, i mani a nga yi pima hi ngoti ya ku pima?
6 Mapilari ya yona ma dzimiwe ka yini,Kumbe, i mani lweyi a nga veka ribye la yona la le ka ponta,+
7 Nkama a tinyeleti ta nimixo+ a ti huwelela hi ku tsaka,Ni nkama vana hinkwavu va Xikwembu*+ va nga sungula ku huwelela va dzunisa?
8 I mani lweyi a nga pfalela lwandle hi xipfalu,+Nkama li nga psaliwa?
9 Nkama ni nga li yambexa hi marhefuNi li phutsela hi munyama wawukulu,
10 Nkama ni nga li pimela lani li nga ta gamela konaNi li vekela swipfalu ni swa ku khiya hi swona,+
11 Kutani ni ku: ‘U gamela kola, u nga hundzi;Magandlati ya wena yamakulu ma ta gamela kola’?+
12 U tshama u yendla swaku li xaKumbe u yendla swaku mpundzu wu tiva ndhawu ya wona,+
13 Swaku wu fika ni magamu ka misava,Wu hlongola lava yendlaka swa ku biha?+
14 Misava ya txintxiwa ku fana ni vumba ahansi ka karimbu,Yi gama yi voneka kahle leswi yi nga tshamisa swona ku fana ni panu.
15 Kambe ku vonakala ka lava yendlaka swa ku biha ka timiwa,Ni voko la vona leli nga tlakuka la tshoviwa.
16 U tshama u fika lani lwandle li sungulelaka kona,Kumbe u djikadjika xikarhi ka lona?+
17 U tshama u kombiwa tinyanghwa ta lifu,+Kumbe, u tshama u vona tinyanghwa ta munyama wawukulu?+
18 Wa swi tiva swaku misava yi yaname ku fikela kwini?+
Ni byeli loko u swi tiva hinkwaswu leswi.
19 A ku vonakala ku tshama kwini?+
A munyama wu ta hi kwini,
20 Leswaku u ta wu heleketa ka ndhawu ya wonaU tiva ni ndlela leyi yaka kaya ka wona?
21 U swi tiva hileswi u nga ni malembe ya manyingiKumbe hileswi a wu psaliwile hi nkama wolowo?
22 U tshama u nghena lomu gamboko* yi vekiwaka kona,+Kumbe, u tshama u vona lani marhalala* ma vekiwaka kona,+
23 Leswi ni nga swi vekela nkama wa swikarhatu,Siku la ku lwa ni la nyimpi?+
24 Ku vonakala* ku ta hi kwini,Ni moya wa le wuxeni wu ba na wu ta hi kwini?+
25 I mani lweyi a nga pfulela ndhambi ndlelaA tlhela a yendla ndlela ya rhefu leli dzindzaka,+
26 Swaku a nisa mpfula lani ku kalaka ku nga tshami munhu,Amananga lani ku kalaka ku nga na vanhu,+
27 Leswaku a pfuxa tindhawu ta ku womaA yendla swaku ku mila byanyi?+
28 Indjhe a mpfula yi ni papayi?+Kumbe i mani papayi wa mberha?*+
29 A jelu li huma ka khwirhi la mani,I mani lweyi a nga psala jelu leli taka hi tilweni?+
30 Loko mati ma tiyile ingaku mo va ribye,Ma tiya ma ku roo, ni le ndzeni ka wona?+
31 U nga ti boha tingoti ta ntlawa wa tinyeleti wa Kima,*Kumbe, u tlhantlha tingoti ta ntlawa wa tinyeleti wa Kesili?*+
32 U nga swi kota ku rhangela ntlawa wa tinyeleti* hi nkama wa tona?Kumbe u nga kongomisa ntlawa wa tinyeleti wa Axi* ku patsa ni vana va tona?
33 Wa yi tiva minawu leyi kongomisaka matilo,+Kumbe, u nga yendla swaku minawu yoleyo yi tirha ni lani misaveni?
34 U nga huwelela marhefu,U ma byela swaku ma ku nisela mpfula?+
35 U nga swi kota ku rhumela ku hatima ka tilo?
Indjhe ku nga ta ka wena ku ku: ‘Hi mina lweyi!’
36 I mani lweyi a nga veka wutlharhi ka marhefu,*+Kumbe, i mani lweyi a nga yendla swaku matilo ma va ni ku twisisa?+
37 I mani lweyi a nga ni wutlharhi swaku a nga za a kota ku konta marhefu,I mani lweyi a nga byeketaka makhuwani ya mati ya le tilweni?+
38 Loko wuthulu li hlengeletana li va xidulu,Ni mabuvu ya misava ma namarhelana?
39 Indjhe u nga yi hlotela nghonyama?Kumbe u nga swi phamela swinghonyamana loko swi twa ndlala,+
40 Loko swi b’arhamile lani swi tshamaka kona,Kumbe loko swi tumbelile?
41 I mani lweyi a nyikaka tlhugwani* swakudla+Loko vana va lona va rilela Xikwembu va lava ku pfuniwa,Naswona va rhendzelekela hi mhaka ya leswi va kalaka va nga na swakudla?
Tinhlamunselu ta le hansi
^ I mavulavulelo ya Xiheberu lama vulaka tintsumi.
^ Kumbe: “neve”. I minchumu ya ku basa yi ku baa ku fana ni jelu.
^ Kumbe: “marhalani”.
^ Kumbexana: “ku hatima”.
^ Kumbe: “mub’etho.”
^ Swi nga yendleka ku li ntlawa wa tinyeleti lowu vitaniwaka Órion.
^ Swi nga yendleka ku li tinyeleti leti vitaniwaka Plêiades, leti nga ka ntlawa wa tinyeleti leti vitaniwaka Touro.
^ Hi Xiheberu: “mazarote”.
^ Swi nga yendleka ku vuliwa ntlawa wa tinyeleti lowu vitaniwaka Ursa Maior.
^ Kumbexana: “I mani lweyi a nga nyika vanhu wutlharhi?”
^ Kumbe: “gqugwani”. Ku nga muxaka wa xinyanyani.
