Yoxuwa 11:1-23
11 Se loko Yabini hosi ya Azora a twa leswi nga yendleka, a vhela a rhuma vanhu va ya ka Yobabi hosi ya Madoni+ ni ka hosi ya Ximironi, ni hosi ya Akisafa,+
2 ka tihosi leti ti tshamaka ka ndhawu ya tintshava a norte* ni leti tshamaka sul* wa Kinereti, leti a ti li Xefela amatlhelweni ya wupeladlambu ka Dori,+
3 Vakanana+ lava tshamaka ka tlhelo la le wuxeni ni la wupeladlambu, Vaamori,+ Vaheti, Vaperezi, Vayebusi lava tshamaka ka ndhawu ya tintshava ni Vahivhi+ lava tshamaka hansi ka ntshava ya Hermoni+ atikweni la Mizpa.
4 Kutani ti huma ni masonchwa ya tona hinkwawu, vanhu va vanyingi ku fana ni misava ya lwandle, a va ni makavhalu ya ku tala swinene ni tinyolo* ta nyimpi.
5 Tihosi leti hinkwatu ti twanane ku tlhangana, se ti gama ti fika ti gwimba matende kusuhi ni mati ya Meromi swaku ti ta lwa ni Vayisrayele.
6 Se Yehovha a byela Yoxuwa a ku: “U nga ti chavi tihosi leti,+ hikusa mundzuku hi nkama lowu, hinkwatu ni ta ti nyikela ka Vayisrayele swaku va ti dlaya. Mi fanele mi tsema misiha ya minenge ya makavhalu ya tona,+ mi gama mi hisa tinyolo ta tona hi ndzilu.”
7 Se Yoxuwa ni masonchwa hinkwawu va ti hlasela na ti nga swi pimisanga kusuhi ni mati ya Meromi.
8 Yehovha a va nyikela ka mavoko ya Vayisrayele,+ va va hlula va tlhela va va txatxa anze Sidoni Wamukulu+ ni le Mizirefoti-Mayimi+ ni le ka Nkova wa Mizpe ka tlhelo la le wuxeni, va va dlaya hinkwavu anze va ku jii.+
9 Yoxuwa a gama a yendla leswi Yehovha a nga mu byela swona; a tsema misiha ya minenge ya makavhalu ya tona a tlhela a hisa ni tinyolo ta tona hi ndzilu.+
10 Se Yoxuwa a tlhela a ya teka doropa la Azora a dlaya hosi ya lona hi xipada,+ hikusa khale doropa la Azora a li fuma mimfumu leyin’wani hinkwayu.
11 Va dlaye vanhu hinkwavu lava a va li ka lona hi xipada, va hela va ku jii.+ A ku salanga nchumu ni xin’we lexi hefemulaka.+ Va gama va hisa doropa la Azora hi ndzilu.
12 Se Yoxuwa a teka madoropa hinkwawu ya tihosi leti, a tlhela a ti hlula hinkwatu hi xipada.+ A dlaye tihosi leto hinkwatu+ hi ku landza leswi Moxe mutirheli wa Yehovha a nga mu byela swona.
13 Kambe Vayisrayele va yo hisa doropa la Azora ntsena, a va ma hisanga madoropa laman’wani lawa a ma yakiwe henhla ka maganga; ko va doropa la Azora ntsena leli Yoxuwa a nga li hisa.
14 Se Vayisrayele va teke tshomba hinkwalu la madoropa lawa ni swifuyu swa kona.+ Va gama va hlasela vanhu hinkwavu hi xipada+ anze va hela va ku jii, a va siyanga munhu ni mun’we.+
15 Leswi Yehovha a nga mu byelisa Moxe, na yena Moxe a mu byelise swoleswo Yoxuwa.+ Se Yoxuwa a yendle hinkwaswu leswi a nga byeliwa hi Moxe. A xi kona ni xin’we lexi a nga xi siya ka hinkwaswu leswi Yehovha a nga byela Moxe.+
16 Yoxuwa a hlula tiko hinkwalu, a hlule ndhawu ya tintshava, tiko hinkwalu la Negebi,+ tiko hinkwalu la Goxeni, Xefela,+ Araba,+ ndhawu ya tintshava ya Israyele ni ndhawu leyi nga hansi ka tintshava,
17 ku sukela ka Ntshava ya Alaki, leyi fambaka anze aSeyiri yi ya fika aBali-Gadi+ ka Nkova wa Lebanoni lowu wu nga hansi ka Ntshava ya Hermoni,+ a gama a khoma tihosi ta kona hinkwatu a ti hlula a tlhela a ti dlaya.
18 Yoxuwa a hete nkama wa wunyingi na a lwa ni tihosi leti hinkwatu.
19 A ku na doropa lin’wani li nga yendla ntwananu wa ku rhula ni Vayisrayele handle ka Vahivhi lava tshamaka Gibiyoni.+ Kambe madoropa laman’wani hinkwawu va ma hlule hi nyimpi.+
20 I Yehovha lweyi a nga tshika tihosi leti ti va ni nkanu+ ti za ti ta lwa ni Vayisrayele, leswaku ti ta dlayiwa ti ku jii, ti nga tweliwi ni wusiwana.+ A ti fanele ti helisiwa hi ku ya hi leswi Yehovha a nga swi byela Moxe.+
21 Hi nkama wolowo Yoxuwa a helisa Vaanaki+ hinkwavu lava a va tshama ka ndhawu ya tintshava, ku sukela aHebroni, Debiri, Anabi ni ndhawu hinkwayu ya tintshava ya Yuda ni ndhawu hinkwayu ya tintshava ya Israyele. Yoxuwa a va helise hinkwavu ni madoropa ya vona.+
22 Vaanaki a va nga ha li kona ka tiko la Vayisrayele; a va yo sala+ Gaza ntsena,+ aGati+ ni Axidodi.+
23 Se Yoxuwa a teka tiko hinkwalu hi ku ya hi leswi Yehovha a a swi tshembise Moxe.+ Yoxuwa a nyika Vayisrayele tiko swaku li va tshomba la vona, va tlhela va yavelana hi ku ya hi tinxaka ta vona.+ Ku game ku va ni ku rhula ka tiko hinkwalu ku nga ha lwiwi nyimpi.+
