Zakariya 10:1-12
10 “Kombelani mpfula ka Yehovha hi nkama wa mpfula ya wugamu.
I Yehovha lweyi a yendlaka marhefu ya mpfula yayikulu,Lweyi a yendlaka leswaku ma nisa mpfula,+A yendla swaku masimu ma humesela vanhu hinkwavu swakudla.
2 Hikusa swifaniso swa terafimi* swi vulavule mavunhwa;Ni tinyanga ti vone minchumu* ya mavunhwa.
Ti vulavula hi milorho ya ku kala yi nga pfuni nchumu,Ti zama ku tiyisa van’wani hi ndlela ya ku kala yi nga pfuni nchumu.
Hi leswo swi nga ta yendla swaku vanhu va pepetseka ku fana ni tinyempfu.
Va ta xaniseka hikusa a ku na murisi.
3 Ni va kwatele swinene varisi,Varhangeli lava hluphaka vanhu va ta tihlamulela ka mina;Hikusa Yehovha murhangeli wa tintsumi a rhandza ntlhambi wa yena,+ ku nga vanhu va Yuda,A va yendle va fana ni kavhalu la yena leli hloniphekaka li tlhela li va ni matimba anyimpini.
4 Murhangeli* a ta hi ka yena,Hosi leyi pfunisaka* yi ta hi ka yena,Ligubu la nyimpi li ta hi ka yena;Varhangeli hinkwavu va ta hi ka yena, hinkwavu va ta hi ka yena.
5 Va ta fana ni tinhenha,Leti psanyetelaka madaka axitaratwini hi nkama wa nyimpi.
Va ta lwa nyimpi, hikusa Yehovha a na vona;+Lava fambisaka makavhalu va ta danisiwa.+
6 Ni ta yendla swaku vanhu va Yuda va va ni matimba,Ni ta ponisa vatukulu va Yosefa.+
Ni ta tlhela ni va nyika tiko la vona,Ni ta va komba timpsalu;+Swi ta yendla ingaku a ni se tshama ni va tshika;+Hikusa hi mina Yehovha Xikwembu xa vona, ni ta va hlamula.
7 Va ka Efrayimi va ta fana ni nhenha ya matimba,Mbilu ya vona yi ta tsaka ku fana ni loko yi tsakisiwe hi vhinyu.+
Vana va vona va ta swi vona leswo, kutani va tsaka;Mbilu ya vona yi ta tsaka ka Yehovha.+
8 ‘Ni ta va bela noti, ni va hlengeleta;Hikusa ni ta va ponisa+ kutani va va vanyingi,Va ta tama va tala.
9 Hambiloko no va hlwanya axikarhi ka vanhu ku fana ni mbewu,Va ta ni khumbuka na va li ka matiko ya le kule;Swilo swi ta tlhela swi va fambela kahle, va vuya na va li ni vana va vona.
10 Ni ta va vuyisa na va suka ka tiko la GibitaNi ta va hlengeleta na va suka aAsiriya;+Ni ta va tisa ka tiko la Jiliyadi+ ni la Lebanoni,A ku nga ha ta va ni ndhawu leyi nga ta va yenela hinkwavu.+
11 Loko lwandle li va pfalela ndlela;Ni ta tsemakanya ni ba magandlati ya lona;+Nambu wa Nilu wu ta psha* hinkwawu.
Ku tibyela ka Asiriya ku ta helisiwa,Ni nhonga ya wuhosi ya le Gibita yi ta suka.+
12 Mina Yehovha ni ta va yendla va va ni matimba,+Va ta famba hi ku landza vito la mina,’+ ku vula Yehovha.”
Tinhlamunselu ta le hansi
^ Kumbe: “swikwembu swa ndjangu; swifaniso swa mavunhwa”.
^ Hi Xiheberu: “swivono”.
^ Hi Xiheberu: “Prediyu leli nga ka ponta”. Leswi vulaka munhu wa lisima; hosi.
^ Hi Xiheberu: “Mhandzi ya ku seketela”. Leswi vulaka munhu lweyi a seketelaka; hosi.
^ Kumbe: “khwa”.
