Zakariya 13:1-9
13 “Hi siku lolelo, xihlovo xi ta pfuleliwa vatukulu va Davhida ni lava tshamaka Yerusalema swaku va hlampsa swidjoho ni chaka la vona.+
2 Yehovha murhangeli wa tintsumi a li: “Hi siku lolelo, ni ta susa mavito ya swikwembu swa mavunhwa atikweni,+ a ma nga ha ta khumbukiwa; ni ta helisa vaprofeta+ ni moya wa chaka atikweni.
3 Loko munhu o tlhela a profeta, papayi wa yena ni mamani wa yena lava nga mu psala* va fanele va mu byela va ku: ‘U ta fa hikusa u vulavule mavunhwa hi vito la Yehovha.’ Kutani papayi wa yena ni mamani wa yena lava nga mu psala, va fanele va mu tlhava hi xipada hi mhaka ya ku profeta ka yena.+
4 “Hi siku lolelo, muprofeta mun’wani ni mun’wani a ta dana hi mhaka ya leswi a nga swi vona* loko a profeta; a va nga ha ta yambala mpahla ya ku yendliwa hi mavoya.+
5 Mun’wani ni mun’wani wa vona a ta ku: ‘A ni muprofeta. No va murimi, hikusa ku ni munhu lweyi a nga ni xava na na ha li mutsongo.’
6 Loko munhu a mu vutisa a ku: ‘U swi kume kwini swilondza leswi nga ka muzimbha wa wena?’* yena a ta ku: ‘Ni biwe kaya ka vanghanu va mina.’”*
7 “Wena xipada, pfuka u lwa ni murisi wa mina,+Ni lweyi a nga munghanu wa mina,” ku vula Yehovha murhangeli wa tintsumi.
“Bana murisi,+ u tshika ntlhambi* wu hangalaka;+Mina ni ta lwa ni lava kalaka va nga li va nchumu.”
8 “Ka tiko hinkwalu,” ku vula Yehovha,“Vanhu va vanyingi va ta dlayiwa;Lava nga ta sala i vatsongo.
9 Kutani lava nga sala ni ta va basisa hi ndzilu;Ni ta va basisa ku fana ni loko ku basisiwa prata,Ni ta tlhela ni va kambela ku fana ni loko ku kambeliwa woru.+
Va ta vitana vito la mina,Kutani ni ta va hlamula.
Ni ta ku: ‘I vanhu va mina,’+
Vona va ta ku: ‘Yehovha i Xikwembu xa hina.’”
Tinhlamunselu ta le hansi
^ Kumbe: “veleka”.
^ Hi Xiheberu: “swivono”.
^ Hi Xiheberu: “axikarhi ka mavoko ya wena.” Ku nga ka xifuva kumbe ka nhlana.
^ Kumbe: “lava va ni rhandzaka.”
^ Kumbe: “tinyempfu”.
