Minkama hinkwayu Yehovha wa swi tiva leswi nga swinene ka hina. Ku tiva leswo swi hi pfuna ku kombisa wutlharhi nkama hi landzelaka nkongomiso wa yena. (Swiv 16:3, 9) Kambe minkama yin’wana swi nga hi karhatela ku landza nkongomiso wa Yehovha, ngopfungopfu loko leswi a swi lavaka swi hambanile ni leswi hi swi lavaka. Hambileswo, hi nga tama hi tshemba wutlharhi la Yehovha hi ku pimisa hi swilo leswi a nga swi yentxa. — Swiv 30:24, 25; Rm 1:20.

SIXTIRA VHIDIYO LELI NGE SWI YO YENTXIWA? TISOKOTI TI SWI KOTISA KU YINI KU FAMBA NA TI NGA CHAYISANI? U GAMA U HLAMULA SWIVUTISO LESWI:

• I yini leswi tisokoti ti swi yentxaka siku ni siku?

• I yini leswi tisokoti ti swi yentxaka swaku ti nga chayisani?

• I yini leswi vanhu va nga swi tekelelaka ka ndlela leyi tisokoti ti fambaka hi yona ti nga zanga ti chayisana?

SIXTIRA VHIDIYO LELI NGE SWI YO YENTXIWA? LESWI NYOXI LEYI VA NGE I MAMANGAVA YI HAHISAKA XISWONA, U GAMA U HLAMULA SWIVUTISO LESWI:

• Hi swini swikarhatu leswi vanhu va kumanaka na swona loko va famba hi avião la litsongo?

• Nyoxi yi swi kotisa ku yini ku tama yi haha hambiloko ku ba moya wa wukulu?

• I yini leswi vanhu va nga swi tekelelaka ka ndlela leyi nyoxi yi hahisaka xiswona hambiloko ku ba moya wa wukulu?

U nga djondza yini hi wutlharhi la Yehovha ka swilo leswi a nga swi yentxa, leswi nga kona lomu u tshamaka kona?