Leswaku lweyi u djondzaka na yena Bibele a va ni wunghanu la linene na Yehovha, a fanele a va ni vanghanu va vanene. (Ps 15:1, 4) Vanghanu volavo va nga mu pfuna swaku a yentxa swilo swa swinene. — Swiv 13:20; buku leli nge Tikhorisi Hi Wutomi La Ku Kala Li Nga Heli, djondzo 48.

Nkama lowu u pfunaka lweyi u djondzaka na yena Bibele swaku a va ni vanghanu va vanene mu lehiseli mbilu, hikusa swi nga yentxeka swi mu karhatela ku tshika vanghanu va yena va khale. Mu kombi swaku u ni mhaka na yena hambi ku nga li masiku lawa mu djondzaka hi wona, u nga ha mu fonela, u rhumela mensajem kumbe ku mu pfuxela. Nkama lowu lweyi u djondzaka na yena Bibele a kulisaka a wunghanu la yena na Yehovha u nga mu rhamba swaku mu va xikan’we ni vamakwerhu van’wana. Loko u yentxa leswo a ta swi vona swaku vamakwerhu i vanghanu va vanene ku tlula lava a nga va tshika. (Mr 10:29, 30) Na wena u ta tsaka loko u vona swaku ndjangu wa Yehovha wu ya u yengeseleka.

SIXTIRA VHIDIYO LELI NGE PFUNA LAVA U DJONDZAKA NA VONA BIBELE KUVA VA TSHIKA VANGHANU VA KUBIHA, U GAMA U HLAMULA SWIVUTISO LESWI:

• I vamani vanghanu va ku biha? — 1Ko 15:33

• Julia a a pimisa swaku Vakreste va hungatisa ku yini?

• Neta a mu pfunise ku yini Julia swaku a va ni vanghanu va vanene?