Yesu i Nhloko ya bandla la Wukreste. (Vaefeza 5:23) Swoswi Yesu a le tilweni, kambe a kongomisa valandzeli va yena va lani misaveni hi ku tirhisa “mutirhi wa ku tshembeka ni wa ku tlhariha”. (Lerha Matewu 24:45.) Yesu hi yena a nga veka “mutirhi” a tlhela a mu nyika ni mfanelo ya ku yentxa swiboho, kambe hambileswo mutirhi lweyi i mutirhi wa Kreste naswona a tirhela vamakwenu va Kreste. I mani mutirhi lweyi? A maha yini swaku a hi hlayisa?

1. I mani “mutirhi wa ku tshembeka ni wa ku tlhariha”?

Ku sukela khale Yehovha a tirhise munhu kumbe ntlawa wa vavanuna swaku va kongomisa vanhu va yena. (Malakiya 2:7; Vaheberu 1:1) Nkama Yesu a nga fa, vapostolo ni madoda ya Yerusalema va sale va rhangela vanhu va Yehovha. (Mintirho 15:2) Hi lani ku fanaka, namuntlha Yehovha a tirhisa ntlawa wa wutsongo wa madoda swaku wu hi nyika swilo leswi hi swi lavaka kuva hi tiyisa wunghanu la hina na yena wu tlhela u kongomisa ntirho wa ku chumayela. Ntlawa wolowo wa madoda i Ntlawa Lowu Rhangelaka wa Timboni ta Yehovha naswona hi wona lowu vitaniwaka “mutirhi wa ku tshembeka ni wa ku tlhariha, lweyi [Yesu] a nga mu veka.” (Matewu 24:45a) Vamakwerhu hinkwavu va Ntlawa Lowu Rhangelaka i Vakreste lava nga totiwa hi moya wa ku kwetsima naswona loko va fa va ta ya fuma na Yesu amatilweni.

2. I mpsini leswi mutirhi wa ku tshembeka a hi nyikaka swona?

Yesu a vule swaku a mutirhi wa ku tshembeka a a ta “phamela swakudla [valandzeli va Yesu] hi nkama wa kona.” (Matewu 24:45b) Ku fana ni swakudla leswi tiyisaka muzimba wa hina swi tlhela swi hi nyika wutomi la linene, tidjondzo leti hi ti kumaka ka Rito la Xikwembu ti hi nyika matimba ya ku tshama na hi tshembekile ka Yehovha, ni ku tlhela hi wu maha kahle ntirho lowu Yesu a nga hi nyika wona. (1 Timotiyu 4:6) Hi kuma tidjondzo toleto ka mintlhanganu, maasembleya, makongresu hi tlhela hi djondzisiwa hi mabuku ni mavhidiyo lawa ma hi pfunaka ku twisisa ku rhandza ka Xikwembu, hi tlhela hi tiyisa wunghanu la hina na xona.

 DJONDZA SWIN’WANA

3. Vanhu va Yehovha va fanele va hleleka

Hi ku kongomisiwa hi Yesu, Ntlawa Lowu Rhangelaka wu lunghiselela ntirho wa Timboni ta Yehovha. Leswo swi fana ni leswi a swi yentxeka aminkameni ya Vakreste va ku sungula. Sixtirani VHIDIYO.

Lerhani 1 Vakorinto 14:33, 40, mi gama mi bula hi xivutiso lexi landzelaka:

• Tindzimana leti ti swi kombisa ndjani swaku Yehovha a lava swaku Timboni ta yena ti hleleka?

4. Mutirhi wa ku tshembeka a lunghiselela ntirho wa hina wa ku chumayela

Ntirho wa ku chumayela a ku li wona wa lisima hintamu lowu Vakreste va ku sungula a va wu yentxa. Lerhani Mintirho 8:14, 25, mi gama mi bula hi swivutiso leswi landzelaka:

• I vamani lava a va kongomisa ntirho wa ku chumayela ankameni wa Vakreste va ku sungula?

• Ku nga va swaku Pedru na Yohani va wu yamukelile nkongomiso lowu va nga nyikiwa hi vapostolo van’wani?

Ntirho wa lisima hintamu ka Ntlawa Lowu Rhangelaka i ku lunghiselela ntirho wa ku chumayela. Sixtirani VHIDIYO.

 Yesu a kombise swaku ntirho wa ku chumayela i wa lisima ku fikela kwini. Lerhani Marku 13:10, mi gama mi bula hi swivutiso leswi landzelaka:

• Hi mhaka muni ntirho wa ku chumayela wu li wa lisima hintamu ka Ntlawa Lowu Rhangelaka?

• Hi mhaka muni hi lava swaku “mutirhi wa ku tshembeka ni wa ku tlhariha” a lunghiselela ntirho lowu wa misava hinkwayu?

5. Mutirhi wa ku tshembeka wa hi kongomisa

Ntlawa Lowu Rhangelaka wu kongomisa Vakreste amisaveni hinkwayu. Wu swi tivisa ku yini swaku hi wini nkongomiso lowu wu faneleke wu wu nyikela? Vona swaku ntlawa lowu rhangelaka wa minkameni ya Vakreste va ku sungula wu swi mahise ku yini swoleswo. Lerhani Mintirho 15:1, 2, mi gama mi bula hi swivutiso leswi landzelaka:

• I mpsini leswi Vakreste va ku sungula a va nga pfumelelani ka swona?

• Pawulo, Barnaba ni van’wana va ye ka vamani swaku va lulamisa mhaka leyi?

Lerhani Mintirho 15:12-18, 23-29, mi gama mi bula hi xivutiso lexi landzelaka:

• Ntlawa Lowu Rhangelaka wa minkameni ya Vakreste va ku sungula wu yentxe yini swaku wu kuma nkongomiso wa Xikwembu na wu nga se yentxa xiboho? — Vonani Tindzimana 12, 15, ni 28.

Lerhani Mintirho 15:30, 31 na 16:4, 5, mi gama mi bula hi swivutiso leswi landzelaka:

• Vakreste va ku sungula va yangulise ku yini ka nkongomiso lowu va nga nyikiwa hi Ntlawa Lowu Rhangelaka?

• Yehovha a va katekise ndjani hi leswi va nga yingisa?

Lerhani 2 Timotiyu 3:16 na Yakobo 1:5, mi gama mi bula hi xivutiso lexi landzelaka:

• Ntlawa Lowu Rhangelaka wu wu kuma kwini nkongomiso swaku wu yentxa swiboho namuntlha?

 LESWI HI NGA SWI DJONDZA

Ntlawa Lowu Rhangelaka i “mutirhi wa ku tshembeka ni wa ku tlhariha” lweyi a nga vekiwa hi Kreste. Hi wona wu kongomisaka wu tlhela wu djondzisa Vakreste amisaveni hinkwayu.

Ku kambela leswi hi nga swi djondza

• I mani a nga veka “mutirhi wa ku tshembeka ni wa ku tlhariha”?

• Ntlawa Lowu Rhangelaka wu maha yini swaku wu hi hlayisa?

• Ku nga va leswaku wa kholwa swaku Ntlawa Lowu Rhangelaka i “mutirhi wa ku tshembeka ni wa ku tlhariha”?