Loko hi ni vamakwerhu, hi titwa ku fana na Hosi Davhida lweyi a nga te: “Vona ku saseka ni ku tsakisa ka swona loko vamakwavu va tshama xikan’we hi ku twanana!” (Tipisalema 133:1) Kambe leswaku hi twanana, hinkwerhu hi fanele hi tikarhata.

1. I mpsini leswi hlamalisaka ka vanhu va Xikwembu?

Loko u ya ka mintlhanganu ka bandla la tiko lin’wana u ta titwa kahle hambiloko u nga li twisisi lirimi la vona. Hi mhaka muni? Hi mhaka hi tirhisa mabuku ya ku fana swaku hi djondza Bibele amisaveni hinkwayu. Naswona hinkwerhu ha rhandzana, a swi na mhaka swaku hi tshama kwini, hinkwerhu hi “vitana vito la Yehovha ni ku mu gandzela hi ku twanana.” — Sofaniya 3:9.

2. U nga yentxa yini swaku ku va ni ku twanana?

“Rhandzanani hi mbilu hinkwayu.” (1 Pedru 1:22) U nga swi tirhisisa ku yini leswi ndzimana leyi yi swi vulaka? U nga laveteli swa ku biha ka vamakwerhu kambe zama ku vona swilo swa swinene leswi va swi mahaka. U nga vi munghanu wa vanhu lava rhandzaka swilo swa ku fana ni leswi wena u swi rhandzaka ntsena kambe zama ku va tiva kahle vamakwerhu lava taka hi ka matiko man’wana. Naswona hi fanele hi tikarhata swaku hi susa xikheto hinkwaxu lexi hi nga ha vaka na xona ka mbilu ya hina. — Lerha 1 Pedru 2:17. a

3. U ta yentxa yini loko u kwatisane ni makwerhu?

I ntiyiso swaku ha twanana kambe hinkwerhu ha djoha. Minkama yin’wana hi nga ha kwatisana. Hi mhaka leyo, Rito la Xikwembu li li: “Tamani mi . . . rivalelana”, li tlhela li ku: “Ku fana ni leswi Yehovha a nga mi rivalela hi ku chunseka na n’wina mi fanele mi yentxa swoleswo.” (Lerha Vakolosa 3:13.) Phela Yehovha hi mu djohela ka kunyingi kambe wa hi rivalela. Se, a lava swaku na hina hi rivalela vamakwerhu. Loko u tsumbula swaku ku ni makwerhu lweyi u nga mu kwatisa, rhanga u ya bula na yena swaku u lulamisa timhaka. — Lerha Matewu 5:23, 24. b

 DJONDZA SWIN’WANA

4. Hlula ku va ni xikheto

Hi lava ku rhandza vamakwerhu hinkwavu, kambe minkama yin’wana swi nga karhata ku rhandza munhu lweyi swi tikombaka ingi a hambanile na hina. Se i mpsini swi nga hi pfunaka? Lerhani Mintirho 10:34, 35, mi gama mi bula hi swivutiso leswi landzelaka:

• Yehovha a nga na xikheto, hi mhaka leyo vanhu hinkwavu va nga mu gandzela. Se u nga mu tekelelisa ku yini Yehovha hi ndlela leyi u va vonaka hi yona vanhu lava taka hi ka tindhawu tin’wana?

• Ku nga va swaku lomu u tshamaka kona vanhu va ni xikheto? Hi mhaka muni wena u nga swi lavi ku va ni xikheto?

Lerhani 2 Vakorinto 6:11-13, mi gama mi bula hi xivutiso lexi landzelaka:

• U nga maha yini swaku u va munghanu wa vamakwerhu lava taka hi ka tindhawu tin’wana?

5. Rivalela hi mbilu hinkwayu u tlhela u yentxa swaku ku va ni ku rhula

Yehovha a nga ta tshuka a hi djohela kambe yena wa hi rivalela minkama hinkwayu. Lerhani Tipisalema 86:5, mi gama mi bula hi swivutiso leswi landzelaka:

• Ku rivalela ka Yehovha i kukulu hi ndlela yini?

• Hi mhaka muni u khensa hi leswi Yehovha a rivalelanaka?

• Hi swini swiyimu leswi nga mahaka swi hi karhatela ku hanyisana kahle ni vanhu van’wana?

Hi nga mu tekelelisa ku yini Yehovha hi tlhela hi hanya hi ku twanana ni vamakwerhu? Lerhani Swivuriso 19:11, mi gama mi bula hi xivutiso lexi landzelaka:

• Loko munhu a vula kumbe a yentxa nchumu lexi ku kwatisaka, u nga maha yini swaku mi va ni ku rhula?

 Minkama yin’wana hi nga ha kwatisa van’wana, se hi fanele hi ku yini loko leswo swi yentxeka? Sixtirani VHIDIYO, mi gama mi bula hi xivutiso lexi landzelaka.

• Ka vhidiyo, makwerhu a yentxe yini swaku ku va ni ku rhula?

 LESWI HI NGA SWI DJONDZA

U nga pfunisa swaku ku va ni ku twanana bandleni hi ku rivalela van’wana u tlhela u rhandza vamakwerhu hinkwavu.

Ku kambela leswi hi nga swi djondza

• U nga maha yini swaku u hlula ku va ni xikheto?

• U ta maha yini loko u tshuka u kwatisana ni makwerhu?

• Hi mhaka muni u lava ku tekelela xikombiso xa Yehovha hi ku rivalela van’wana?