“Misava hinkwayu yi le hansi ka matimba ya Davulosi.”  — 1 Yohani 5:19.

“N’wana wa Xikwembu a tile swaku a ta helisa mintirho ya Davulosi.”   — 1 Yohani 3:8.

Ku tiva leswo swi ta ku pfuna kuva u tiva swaku hi mhaka muni misaveni ku ni swikarhatu swa swinyingi.  — Nhlawutelo 12:12.

U tiyiseka swaku swilo swi ta yampsa lani misaveni.  — 1 Yohani 2:17.

Ina, vona swivangelo swinharhu:

• Xikwembu xi ta helisa Mfumu wa Sathana. Yehovha a tshembisa ku helisa Mfumu wa Sathana ni ku lunghisa swilo hinkwaswu leswi Sathana a nga swi wonhetela.  — Vaheberu 2:14.

• Xikwembu xi lange Yesu Kreste leswaku a fuma misava. Yesu a hambane swinene ni mufumi wa misava leyi, lweyi a nga ni mona funtshi a kalaka a nga na mhaka ni vanhu. Bibele li li: “[Xikwembu] xi veke siku leli xi nga ta yavanyisa misava hinkwayu hi ku lulama, hi ku tirhisa wanuna lweyi xi nga mu langa.” Wanuna yelweyo i N’wana wa Xikwembu, ku nga Yesu Kreste.  — Mintirho 17:31.

• Xikwembu a xi hembi. Bibele li vula swaku Yehovha i “Xikwembu lexi kalaka xi nga hembi.” (Tito 1:2) Se a hi kanakani swaku loko Xikwembu xi tshembisa nchumu, minkama hinkwayu xa xi yendla! (Esaya 55:10, 11) Li tlhela li vula swaku “lweyi a fumaka misava leyi a ta hlongoliwa.” — Yohani 12:31.