Leswingaku pfunaka kumu tiva kahle munhu i kutiva swilo leswi a koteke kuswi yendla ni swikarhato leswi aswi hluleke. Hi kufanana, loko u lava kuxi tiva kahle Xikwembu, u fanele kutiva swilo leswi xiswi yendleke. Kutani, loko u ya uswi tiva, uta tsumbula leswaku hinkwaswo ka swona swahi pfuna namuntlha swi tlhela swihi yendla hi va ni ntshembo wa wumundzuku la kutsakisa.

Yehovha Xikwembu i Muvumbi Lwenkulu naswona ‘wumunhu la yena lelinga vonekiki la voneka kusukela loko misava yi tumbuluxiwile kuya mahlweni, hikuva la xiyeka ka swilo leswi tumbuluxiweke’. (Varhoma 1:20) “Yena i Muyendli wa misava hi matimba ya yena, lweyi asimekeke misava ya kunona hi wutlhari ni lweyi ayandlaleke matilo hi kutwisisa ka yena.” (Yeremiya 10:12) Naswona ntumbuluku lowu hlamalisaka wu kombisa leswaku Xikwembu xahi rhandza.

Xiya leswaku kuva Xikwembu xihi vumbe “hi xifaniso xa xona” swi yendla leswaku wutomi la hina li va leli hlawulekeke. (Genesa 1:27) Leswi kombaka leswaku xihi yendle hi kota kukombisa nyana wumunhu la xona lelinga pimanisiwiki ni nchumo. Xikwembu xihi yendle ni wuswikoti la kutwisisa minawu ni miyakanyo ya xona. Loko hi ya hi lwela kuhanya hi minawu leyi, hi va hi tiva lexi hi hanyelaka xona hi tlhela hi tsaka. Handle ka leswo, xihi yendle hi li ni wuswikoti la kukota kuyaka wunghanu na xona.

Loko hi cuvuka leswi Xikwembu xiswi tumbuluxeke amisaveni haswi twisisa leswaku xahi rhandza. Mupostola Pawulo a vule leswaku Xikwembu ‘axitshikanga kutikomba leswi xinga swona, hi kuyendla leswinene; xihinyike timpfula tihuma tilweni, ni tinguva ta ntshovelo, xihiyandzisela ni swakuja, xitata timbilu ta hina hi kutsaka.’ (Mintirho 14:17) Xikwembu xihi nyike swa kutlula leswi hiswi lavaka leswaku hi hanya. Xihi nyike swakudja swa minxakaxaka leswaku wutomi la hina li tsakisa. Kambe kaha li ni swotala leswi Xikwembu xi lavaka kuhi nyika swona.

Yehovha a vumbe misava leswaku vanhu va kota kuhanya ka yona hilaha kunga heliki. Bibele li li: “Misava ayinyike vana va vanhu” naswona ‘angayitumbuluxelanga swa hava, kambe [ayitumbuluxe] leswaku kuyakiwa  ka yona’. (Tipisalema 115:16; Esaya 45:18) I vanhu va muxaka muni lava Xikwembu axi lava leswaku va tshama amisaveni naswona kuringana nkama muni? Bibele li hlamula li ku: “Lavolulama vatadja ndzhaka ya misava, naswona vatatshama ka yona hilaha kungaheliki.” — Tipisalema 37:29.

Kunene, Yehovha a vumbe vanhu vosungula kunga Adamu na Evha ivi ava veka ka paradeyisi laha misaveni leswaku ‘vayirima ni kuyikhatalela.’ (Genesa 2:8, 15) Xikwembu xiva nyike swiyavelo swimbirhi swa kutsakisa: “Psalananani miyandza; mitata misava miyifuma”. (Genesa 1:28) Kutani Adamu na Evha avata hanya wutomi la kutsakisa hilaha kunga heliki laha misaveni. Kambe lexi vavaka, hi leswaku va hlawule kunga yingisi Xikwembu. Kutani va lahlekeliwe hi lunghelo la kuva van’wana va ‘lavolulama lavangata dja ndzhaka ya misava’. Hambileswi Adamu na Evha va tshikeke kuyingisa, Xikwembu axi cincanga xikongomelo xa xona hi hina vanhu ni misava hilaha hingataswi vona ha kona. Kambe ahi sunguleni hi kukambisisa nchumu xin’wana lexi Xikwembu xixi yendleke.

Bibele li tlhela li vitaniwa Rito la Xikwembu. Hayini Yehovha ahi nyike Bibele? Xivangelo xosungula i xa leswaku himu tiva. (Swivuriso 2:1-5) I ntiyiso leswaku Bibele ali hlamuli xivutiso xin’wana ni xin’wana mayelana ni Xikwembu. Kahle kahle aku na buku lelinga kotaka kuyendla leswo. (Eklesiasta 3:11) Hambiswilitano, hinkwaswo leswi Bibele liswi djondzisaka swihi pfuna kutiva Xikwembu. Hi vona wumunhu la xona ka ndlela leyi xi tirhisanaka ha yona ni vanhu. Hi tlhela hi xiyisisa muxaka wa munhu lweyi Xikwembu ximu rhandzaka kumbe lweyi xingamu rhandziki. (Tipisalema 15:1-5) Hi djondza kutiva ndlela ya yinene ya kuxi gandzela, mahanyelo lama tsakisaka Xikwembu ni kuva ni mavonela lamanene hi male kumbe swilo leswi vonekaka. Bibele li tirhisa marito ni swiyendlo swa Yesu Kreste leswaku lihi hlamusela kahle a wumunhu la Xikwembu. — Yohane 14:9.

Xivangelo xin’wana xa kuva Yehovha ahi nyike Rito la yena, kunga Bibele, i xa leswaku hi tiva ndlela yohanya wutomi leli tsakisaka lelinga ni xikongomelo. A ndzeni ka Bibele, Yehovha ahi byela ndlela yova ni ndjangu lowu tsakeke, yotsaka hi leswi hinga na swona ni yohlula mivilelo ya wutomi. Hilaha hingata djondza ha kona amahlweni, Bibele li hlamula swivutiso swa lisima ngopfu swotani hi leswi: Hayini hi xaniseka? Xana swita kuyini hi wumundzuku? Naswona lihi hlamusela leswi Xikwembu xiswi yendleke kutiyisekisa leswaku xikongomelo xa xona hi vanhu ni misava xita hetiseka hakunene.

Bibele li hlawulekile hi tindlela tin’wana, leswi kombaka leswaku li ta hi ka Xikwembu hakunene. Li tsaliwe hi vavanuna va kolomuya ka 40 naswona li teke 1.600 wa malembe leswaku li tsaliwa hinkwalo. Hambiswilitano, li vulavula hi mhaka yin’we ntsena hikuva N’winyi wa lona i Xikwembu. (2 Timotiya 3:16) Kuhambana ni mabuku man’wana ya khale, leswinga ndzeni ka Bibele aswi cinciwanga hambileswi kuhundzeke malembe yotala, hilaha maphepha ya khale ya Bibele lamanga tsaliwa hi voko mahi kombaka ha kona. Kuyengesela kolaho, a minzamu leyi yendliweke hi vanhu yosivela kuva Bibele linga hundzuluxeliwi kuva li kumiwa hi vanhu leswaku vali lerha, yi be hansi. Namuntlha Bibele i buku leli kumekaka ni kuhundzuluxeliwa kutlula mabuku hinkwawo. Leswi Bibele li tamaka li va kona kufikela nyamuntlha i wumboni la leswaku “Rito la Xikwembu xa hina litshama hilaha kungaheliki.” — Esaya 40:8.

Swin’wana leswi Xikwembu xiswi yendleke i lulamiselo lohlawuleka leswaku kuhetiseka xikongomelo xa xona hi hina. Hilaha swi hlamuseliweke ha kona, Xikwembu axi lava leswaku vanhu va hanya hilaha kunga heliki laha misaveni. Kambe loko Adamu a djoha hi kukala kuyingisa Xikwembu, yena kupatsa ni vana va yena lava avahata psaliwa va lahlekeliwe hi lunghelo la kuhanya hilaha kunga heliki. Bibele li li: ‘Kufana ni leswi kujoha kungheneke misaveni hi munhu ali mun’we, na rona rifu ringhenile hikolaho ka kujoha, hi mukhuva wolowo rifu ritlulele vanhu hinkwavu, hikuva hinkwavu vajohile.’ (Varhoma 5:12) Leswi Adamu a djoheke, swi voneke ingi xikongomelo xa Xikwembu hi misava axingahata yendleka. Xana Xikwembu xi yendle yini?

Xikwembu axi cincacinci ka wululami la xona. Hilaha aswi fanela ha kona, xi tshike Adamu na Evha va rhwala kutika hikolaho ka xidjoho xa vona. Hambiswilitano, hi lirhandzu xi yendle lulamiselo la kukutsula vana va Adamu lava avata psaliwa hi kufamba ka nkama. Hi wutlhari, Yehovha a bohe ndlela ya kululamisa xiyimo lexi xotika ivi hi kuhantlisa a nyikele ndlela yoxi tlhantlha. (Genesa 3:15) Ndlela ya kona i N’wana wa Xikwembu,  Yesu Kreste, lweyi aata tirhisiwa kuhelisa xidjoho ni lifu. Xana leswi aswita yendlekisa kuyini?

Leswaku hi ponisiwa ka mavuyelo yobiha ya kuxandzuka ka Adamu, Yehovha a rhumele Yesu misaveni leswaku a djondzisa vanhu ndlela yokuma wutomi lelinga heliki ni ‘kunyiketa vutomi bya yena kuponisa lavotala.’ * (Matewu 20:28; Yohane 14:6) Leswi Yesu a ali munhu wa kuhetiseka kufana na Adamu aswita koteka kuhi kutsula ka xidjoho ni lifu. Kambe kuhambana na Adamu, Yesu a ve lweyi a tshembekeke hi kuhelela anze fa. Leswi Yesu aanga boheki kufa, Yehovha amu pfuxile akufeni ivi a tlhelela tilweni. Kutani swoswi, Yesu aata kota kuyendla leswi Adamu a tsandzekeke kuswi yendla, kunga kunyika wutomi lelinga heliki vanhu lava yingisaka Xikwembu. Bibele li li: ‘Kufana ni leswi lavanyingi vahundzuliweke vajohi hikolaho ka munhu mun’we lweyi akalaka angayingisanga, hi mukhuva wolowo, hi kuyingisa ka munhu mun’we, vanhu lavanyingi vatahundzuliwa vava lavalulameke.’ (Varhoma 5:19) Hikolaho ka xitlhavelo xa nkutsulo lexi nyikeliweke hi Yesu, Xikwembu xita hetisisa xitshembiso xa xona xa kuva hina vanhu hi hanya laha misaveni hilaha kunga heliki.

Hi djondza swotala mayelana ni wumunhu la Yehovha ka ndlela leyi a lulamiseke swikarhato leswi vangiweke hi kukala kuyingisa ka Adamu. Haswi vona leswaku aku na nchumu lexinga sivelaka leswi Yehovha aswi sunguleke leswaku swinga yendleki. Kunene, kurhandza ka yena ‘kuta yendleka’. (Esaya 55:11) Naswona hi twisisa leswaku Yehovha wahi rhandza ngopfu. Bibele li li: ‘Xileswo, rirhandzu ra Xikwembu ritikomba ka hina hi ndlela leyi: Hi leswaku Xikwembu xirhume N’wana wa xona lweyi angapsaliwa ali yexe kuta laha misaveni, leswaku hitakota kuhanya hikolaho ka yena. Leri hi rona rirhandzu ra ntiyiso, hikuva ahi hina hingarhandza Xikwembu, kambe hi xona xihirhandzeke, kutani xirhumela N’wana wa xona leswaku ava mukutsuli wa swijoho swa hina.’ — 1 Yohane 4:9, 10.

Xikwembu ‘axitsetselelanga N’wana wa xona wa xiviri kambe ximunyikete hikolaho ka hina hinkwerhu’, kutani ha tiyiseka leswaku ‘xitahinyika swilo hinkwaswu’ leswi xihi tshembiseke. (Varhoma 8:32) Xana i yini leswi Xikwembu xihi tshembiseke kuhi nyika swona? Leswaku u kuma nhlamulo yana mahlweni u djondza revhixta leli.